कहीं जमाल-ए-अज़ल हम को रूनुमा न मिला
मिले तो हुस्न मगर हुस्न आप सा न मिला
रही तलाश मगर दर्द आश्ना न मिला
हमारे बा'द उन्हें हम सा बा-वफ़ा न मिला
गए हैं दैर-ओ-हरम में भी बारहा लेकिन
वो आसरा जो दिया तू ने साक़िया न मिला
जो दूर थे तो बहुत पारसा थे ये ज़ाहिद
जो पास आए तो कोई भी पारसा न मिला
मुक़ाबले की जो ताक़त थी वो उभर तो सकी
ख़ुदा का शुक्र है कश्ती को नाख़ुदा न मिला
जवाब-ए-जन्नत-ए-रंगीं सही तिरी दुनिया
मगर हमें तो यहाँ लुत्फ़ ऐ ख़ुदा न मिला
हवा-ओ-हिर्स के लाखों शिकार पाए मगर
कोई भी दर्द मोहब्बत में मुब्तला न मिला
जो चश्म-ए-मस्त से छलका के दे अलस्त की मय
तिरे सिवा कोई दुनिया में साक़िया न मिला
मुझी को बख़्श दिए कुल जहान के आलाम
ग़म-ए-जहाँ के लिए कोई दूसरा न मिला
कहूँ तो किस से कहूँ दिल की बात ऐ 'दर्शन'
सुने जो दर्द-ए-बशर ऐसा हम-नवा न मिला
kahīñ jamāl-e-azal ham ko rūnumā na milā
mile to husn magar husn aap sā na milā
rahī talāsh magar dard āshnā na milā
hamāre ba.ad unheñ ham sā bā-vafā na milā
ga.e haiñ dair-o-haram meñ bhī bārhā lekin
vo aasrā jo diyā tū ne sāqiyā na milā
jo duur the to bahut pārsā the ye zāhid
jo paas aa.e to koī bhī pārsā na milā
muqāble kī jo tāqat thī vo ubhar to sakī
ḳhudā kā shukr hai kashtī ko nāḳhudā na milā
javāb-e-jannat-e-rañgīñ sahī tirī duniyā
magar hameñ to yahāñ lutf ai ḳhudā na milā
havā-o-hirs ke lākhoñ shikār paa.e magar
koī bhī dard mohabbat meñ mubtalā na milā
jo chashm-e-mast se chhalkā ke de alast kī mai
tire sivā koī duniyā meñ sāqiyā na milā
mujhī ko baḳhsh diye kul jahān ke ālām
ġham-e-jahāñ ke liye koī dūsrā na milā
kahūñ to kis se kahūñ dil kī baat ai 'darshan'
sune jo dard-e-bashar aisā ham-navā na milā
کہیں جمال ازل ہم کو رونما نہ ملا
ملے تو حسن مگر حسن آپ سا نہ ملا
رہی تلاش مگر درد آشنا نہ ملا
ہمارے بعد انہیں ہم سا با وفا نہ ملا
گئے ہیں دیر و حرم میں بھی بارہا لیکن
وہ آسرا جو دیا تو نے ساقیا نہ ملا
جو دور تھے تو بہت پارسا تھے یہ زاہد
جو پاس آئے تو کوئی بھی پارسا نہ ملا
مقابلے کی جو طاقت تھی وہ ابھر تو سکی
خدا کا شکر ہے کشتی کو ناخدا نہ ملا
جواب جنت رنگیں سہی تری دنیا
مگر ہمیں تو یہاں لطف اے خدا نہ ملا
ہوا و حرص کے لاکھوں شکار پائے مگر
کوئی بھی درد محبت میں مبتلا نہ ملا
جو چشم مست سے چھلکا کے دے الست کی مے
ترے سوا کوئی دنیا میں ساقیا نہ ملا
مجھی کو بخش دئے کل جہان کے آلام
غم جہاں کے لئے کوئی دوسرا نہ ملا
کہوں تو کس سے کہوں دل کی بات اے درشنؔ
سنے جو درد بشر ایسا ہم نوا نہ ملا