कभी ज़मीन कभी आसमाँ से लड़ता है
अजीब शख़्स है सारे जहाँ से लड़ता है
किसी के इश्क़ की मन्नत का तेल है उस में
इसी लिए तो दिया आस्ताँ से लड़ता है
हमें ये बाँझ बहू बे-निशान कर देगी
ये बात कह के वो बेटे की माँ से लड़ता है
किराएदार की नींद इस क़दर परेशाँ है
वो रोज़ ख़्वाब में मालिक मकाँ से लड़ता है
ये किस के क़र्ज़ का है बोझ मेरी मय्यत पर
ये कौन है जो मिरे ख़ानदाँ से लड़ता है
दुआ है ख़ैर हो उस घर की जिस में रो रो कर
कोई बुज़ुर्ग किसी नौजवाँ से लड़ता है
बस एक ख़ास निशानी है मेरे मदफ़न की
कि इस मकाँ में कोई ला-मकाँ से लड़ता है
बड़े यक़ीन से कुछ बे-यक़ीन माँगते हैं
वो इक यक़ीन जो वहम-ओ-गुमाँ से लड़ता है
अज़ान देता हूँ जब मैं सुख़न की मस्जिद में
हर एक बे-नवा मेरी अज़ाँ से लड़ता है
मैं अपने अहद का 'वासिफ़' हूँ और शाइ'र हूँ
ज़माना किस लिए मुझ ना-तवाँ से लड़ता है
kabhī zamīn kabhī āsmāñ se laḌtā hai
ajiib shaḳhs hai saare jahāñ se laḌtā hai
kisī ke ishq kī mannat kā tel hai us meñ
isī liye to diyā āstāñ se laḌtā hai
hameñ ye bāñjh bahū be-nishān kar degī
ye baat kah ke vo beTe kī maañ se laḌtā hai
kirāye-dār kī niiñd is qadar pareshāñ hai
vo roz ḳhvāb meñ mālik makāñ se laḌtā hai
ye kis ke qarz kā hai bojh merī mayyat par
ye kaun hai jo mire ḳhāndāñ se laḌtā hai
duā hai ḳhair ho us ghar kī jis meñ ro ro kar
koī buzurg kisī naujavāñ se laḌtā hai
bas ek ḳhaas nishānī hai mere madfan kī
ki is makāñ meñ koī lā-makāñ se laḌtā hai
baḌe yaqīn se kuchh be-yaqīn māñgte haiñ
vo ik yaqīn jo vahm-o-gumāñ se laḌtā hai
azaan detā huuñ jab maiñ suḳhan kī masjid meñ
har ek be-navā merī azaañ se laḌtā hai
maiñ apne ahd kā 'vāsif' huuñ aur shā.ir huuñ
zamāna kis liye mujh nā-tavāñ se laḌtā hai
کبھی زمین کبھی آسماں سے لڑتا ہے
عجیب شخص ہے سارے جہاں سے لڑتا ہے
کسی کے عشق کی منت کا تیل ہے اس میں
اسی لیے تو دیا آستاں سے لڑتا ہے
ہمیں یہ بانجھ بہو بے نشان کر دے گی
یہ بات کہہ کے وہ بیٹے کی ماں سے لڑتا ہے
کرایے دار کی نیند اس قدر پریشاں ہے
وہ روز خواب میں مالک مکاں سے لڑتا ہے
یہ کس کے قرض کا ہے بوجھ میری میت پر
یہ کون ہے جو مرے خانداں سے لڑتا ہے
دعا ہے خیر ہو اس گھر کی جس میں رو رو کر
کوئی بزرگ کسی نوجواں سے لڑتا ہے
بس ایک خاص نشانی ہے میرے مدفن کی
کہ اس مکاں میں کوئی لا مکاں سے لڑتا ہے
بڑے یقین سے کچھ بے یقین مانگتے ہیں
وہ اک یقین جو وہم و گماں سے لڑتا ہے
اذان دیتا ہوں جب میں سخن کی مسجد میں
ہر ایک بے نوا میری اذاں سے لڑتا ہے
میں اپنے عہد کا واصفؔ ہوں اور شاعر ہوں
زمانہ کس لیے مجھ ناتواں سے لڑتا ہے