कभी हवा ने कभी उड़ते पत्थरों ने किया
हमें तो नश्र अजब सी वज़ाहतों ने किया
तमाम मंज़र-ए-शब ढेर हो गया दिल पर
ये क्या सितम मिरे क़दमों की आहटों ने किया
हर एक चीज़ लगी टूटती सी बाहर की
कि जो किया मिरे अंदर के मंज़रों ने किया
खुली न आँख कभी एक पल को सहरा की
अगरचे शोर बहुत उड़ती बस्तियों ने किया
उधर तो कुछ न था यूँ ही वो आते जाते रहे
अजब मज़ाक़ सफ़र से मुसाफ़िरों ने किया
मैं अपने आप से डरने लगा भरे घर में
ये मुझ से क्या मिरे अपने ही आइनों ने किया
कई तरह से घटाया बढ़ाया सायों को
मकाँ मकाँ पे यही काम सूरजों ने किया
kabhī havā ne kabhī uḌte pattharoñ ne kiyā
hameñ to nashr ajab sī vazāhatoñ ne kiyā
tamām manzar-e-shab Dher ho gayā dil par
ye kyā sitam mire qadmoñ kī āhaToñ ne kiyā
har ek chiiz lagī TūTtī sī bāhar kī
ki jo kiyā mire andar ke manzaroñ ne kiyā
khulī na aañkh kabhī ek pal ko sahrā kī
agarche shor bahut uḌtī bastiyoñ ne kiyā
udhar to kuchh na thā yuuñ hī vo aate jaate rahe
ajab mazāq safar se musāfiroñ ne kiyā
maiñ apne aap se Darne lagā bhare ghar meñ
ye mujh se kyā mire apne hī ā.inoñ ne kiyā
ka.ī tarah se ghaTāyā baḌhāyā sāyoñ ko
makāñ makāñ pe yahī kaam sūrajoñ ne kiyā
کبھی ہوا نے کبھی اڑتے پتھروں نے کیا
ہمیں تو نشر عجب سی وضاحتوں نے کیا
تمام منظر شب ڈھیر ہو گیا دل پر
یہ کیا ستم مرے قدموں کی آہٹوں نے کیا
ہر ایک چیز لگی ٹوٹتی سی باہر کی
کہ جو کیا مرے اندر کے منظروں نے کیا
کھلی نہ آنکھ کبھی ایک پل کو صحرا کی
اگرچہ شور بہت اڑتی بستیوں نے کیا
ادھر تو کچھ نہ تھا یوں ہی وہ آتے جاتے رہے
عجب مذاق سفر سے مسافروں نے کیا
میں اپنے آپ سے ڈرنے لگا بھرے گھر میں
یہ مجھ سے کیا مرے اپنے ہی آئنوں نے کیا
کئی طرح سے گھٹایا بڑھایا سایوں کو
مکاں مکاں پہ یہی کام سورجوں نے کیا