कब तसव्वुर यार-ए-गुल-रुख़्सार का फ़े'ल-ए-अबस
इश्क़ है इस गुलशन-ओ-गुलज़ार का फ़े'ल-ए-अबस
निकहत-ए-गेसू-ए-ख़ूबाँ ने किया बे-क़द्र उसे
अब है सौदा नाफ़ा-ए-तातार का फ़े'ल-ए-अबस
रिश्ता-ए-उलफ़त रग-ए-जाँ में बुतों का पड़ गया
अब ब-ज़ाहिर शग़्ल है ज़ुन्नार का फ़े'ल-ए-अबस
आरज़ू-मंद-ए-शहादत आशिक़-ए-सादिक़ हुए
ग़ैर को डर है तिरी तलवार का फ़े'ल-ए-अबस
जब दिल-ए-संगीं-दिलाँ में कुछ असर होता नहीं
गिर्या है इस दीदा-ए-ख़ूँ-बार का फ़े'ल-ए-अबस
ख़्वाब में भी यार को इस का ख़याल आता नहीं
जागना था दीदा-ए-बेदार का फ़े'ल-ए-अबस
ख़ाली-अज़-हिकमत हुआ 'बहराम' कब फ़ेल-ए-हकीम
काम कब है दावर-ए-दादार का फ़े'ल-ए-अबस
kab tasavvur yār-e-gul-ruḳhsār kā fe.l-e-abas
ishq hai is gulshan-o-gulzār kā fe.al-e-abas
nik.hat-e-gasu-e-ḳhūbāñ ne kiyā be-qadr use
ab hai saudā nāfa-e-tātār kā fe.al-e-abas
rishtha-e-ulfat rag-e-jāñ meñ butoñ kā paḌ gayā
ab ba-zāhir shaġhl hai zunnār kā fe.al-e-abas
ārzū-mand-e-shahādat āshiq-e-sādiq hue
ġhair ko Dar hai tirī talvār kā fe.al-e-abas
jab dil-e-sañgīñ-dilāñ meñ kuchh asar hotā nahīñ
girya hai is dīda-e-ḳhūñ-bār kā fe.al-e-abas
ḳhvāb meñ bhī yaar ko is kā ḳhayāl aatā nahīñ
jāgnā thā dīda-e-bedār kā fe.al-e-abas
ḳhālī-az-hikmat huā 'bahrām' kab fel-e-hakīm
kaam kab hai dāvar-e-dādār kā fe.al-e-abas
کب تصور یار گل رخسار کا فعل عبث
عشق ہے اس گلشن و گل زار کا فعل عبث
نکہت گیسوئے خوباں نے کیا بے قدر اسے
اب ہے سودا نافۂ تاتار کا فعل عبث
رشتۂ الفت رگ جاں میں بتوں کا پڑ گیا
اب بظاہر شغل ہے زنار کا فعل عبث
آرزو مند شہادت عاشق صادق ہوئے
غیر کو ڈر ہے تری تلوار کا فعل عبث
جب دل سنگیں دلاں میں کچھ اثر ہوتا نہیں
گریہ ہے اس دیدۂ خوں بار کا فعل عبث
خواب میں بھی یار کو اس کا خیال آتا نہیں
جاگنا تھا دیدۂ بے دار کا فعل عبث
خالی از حکمت ہوا بہرامؔ کب فعل حکیم
کام کب ہے داور دادار کا فعل عبث