कब तक इस प्यास के सहरा में झुलसते जाएँ
अब ये बादल जो उठे हैं तो बरसते जाएँ
कौन बतलाए तुम्हें कैसे वो मौसम हैं कि जो
मुझ से ही दूर रहें मुझ में ही बस्ते जाएँ
हम से आज़ाद-मिज़ाजों पे ये उफ़्ताद है क्या
चाहते जाएँ उसे ख़ुद को तरसते जाएँ
हाए क्या लोग ये आबाद हुए हैं मुझ में
प्यार के लफ़्ज़ लिखें लहजे से डसते जाएँ
आइना देखूँ तो इक चेहरे के बे-रंग नुक़ूश
एक नादीदा सी ज़ंजीर में कसते जाएँ
जुज़ मोहब्बत किसे आया है मयस्सर 'उम्मीद'
ऐसा लम्हा कि जिधर सदियों के रस्ते जाएँ
kab tak is pyaas ke sahrā meñ jhulaste jaa.eñ
ab ye bādal jo uThe haiñ to baraste jaa.eñ
kaun batlā.e tumheñ kaise vo mausam haiñ ki jo
mujh se hī duur raheñ mujh meñ hī baste jaa.eñ
ham se āzād-mizājoñ pe ye uftād hai kyā
chāhte jaa.eñ use ḳhud ko taraste jaa.eñ
haa.e kyā log ye ābād hue haiñ mujh meñ
pyaar ke lafz likheñ lahje se Daste jaa.eñ
aa.ina dekhūñ to ik chehre ke be-rañg nuqūsh
ek nādīda sī zanjīr meñ kaste jaa.eñ
juz mohabbat kise aayā hai mayassar 'ummīd'
aisā lamha ki jidhar sadiyoñ ke raste jaa.eñ
کب تک اس پیاس کے صحرا میں جھلستے جائیں
اب یہ بادل جو اٹھے ہیں تو برستے جائیں
کون بتلائے تمہیں کیسے وہ موسم ہیں کہ جو
مجھ سے ہی دور رہیں مجھ میں ہی بستے جائیں
ہم سے آزاد مزاجوں پہ یہ افتاد ہے کیا
چاہتے جائیں اسے خود کو ترستے جائیں
ہائے کیا لوگ یہ آباد ہوئے ہیں مجھ میں
پیار کے لفظ لکھیں لہجہ سے ڈستے جائیں
آئنہ دیکھوں تو اک چہرے کے بے رنگ نقوش
ایک نادیدہ سی زنجیر میں کستے جائیں
جز محبت کسے آیا ہے میسر امیدؔ
ایسا لمحہ کہ جدھر صدیوں کے رستے جائیں