जो दूसरों की ख़ताएँ मुआ'फ़ करते हैं
दर-अस्ल दिल से कुदूरत वो साफ़ करते हैं
हर एक बात में हामी नहीं भरी जाती
उन्हें गिला है कि हम इख़्तिलाफ़ करते हैं
कभी गुमान की सूरत कभी यक़ीन के साथ
दिलों के राज़ का हम इंकिशाफ़ करते हैं
हमें यक़ीं भी दिलाते हैं साथ देने का
वो साज़िशें भी हमारे ख़िलाफ़ करते हैं
कहीं भी प्यार से रहना उन्हें क़ुबूल नहीं
जहाँ भी जाते हैं दिल में शिगाफ़ करते हैं
उन्हीं से अज़्मत-ए-उर्दू बहाल है 'राग़िब'
जो गुफ़्तुगू में अदा शीन क़ाफ़ करते हैं
jo dūsroñ kī ḳhatā.eñ muaaf karte haiñ
dar-asl dil se kudūrat vo saaf karte haiñ
har ek baat meñ haamī nahīñ bharī jaatī
unheñ gila hai ki ham iḳhtilāf karte haiñ
kabhī gumān kī sūrat kabhī yaqīn ke saath
diloñ ke raaz kā ham inkishāf karte haiñ
hameñ yaqīñ bhī dilāte haiñ saath dene kā
vo sāzisheñ bhī hamāre ḳhilāf karte haiñ
kahīñ bhī pyaar se rahnā unheñ qubūl nahīñ
jahāñ bhī jaate haiñ dil meñ shigāf karte haiñ
unhīñ se azmat-e-urdu bahāl hai 'rāġhib'
jo guftugū meñ adā shiin qaaf karte haiñ
جو دوسروں کی خطائیں معاف کرتے ہیں
دراصل دل سے کدورت وہ صاف کرتے ہیں
ہر ایک بات میں حامی نہیں بھری جاتی
انہیں گلہ ہے کہ ہم اختلاف کرتے ہیں
کبھی گمان کی صورت کبھی یقین کے ساتھ
دلوں کے راز کا ہم انکشاف کرتے ہیں
ہمیں یقیں بھی دلاتے ہیں ساتھ دینے کا
وہ سازشیں بھی ہمارے خلاف کرتے ہیں
کہیں بھی پیار سے رہنا انہیں قبول نہیں
جہاں بھی جاتے ہیں دل میں شگاف کرتے ہیں
انہیں سے عظمت اردو بحال ہے راغبؔ
جو گفتگو میں ادا شین قاف کرتے ہیں