जो दिल मिरा नहीं मुझे उस दिल से क्या ग़रज़
चलनी न हो जो राह तो मंज़िल से क्या ग़रज़
डूबूँगा गर है मेरे मुक़द्दर में डूबना
ग़व्वास-ए-बहर-ए-इश्क़ को साहिल से क्या ग़रज़
वो दिल को देखता है न आमाल-ए-ज़ाहिरी
लैला के ख़्वास्त-गार को महमिल से क्या ग़रज़
सुनता है कौन आशिक़ों की आह-ओ-ज़ारियाँ
गोश-ए-चमन को शोर-ए-अनादिल से क्या ग़रज़
हम उस के शेफ़्ता हैं रक़ीबों से वास्ता
गुल से ग़रज़ है फ़ौज-ए-अनादिल से क्या ग़रज़
मरता हूँ और जा नहीं सकता सू-ए-अदम
मुझ ना-तवाँ को तौक़-ओ-सलासिल से क्या ग़रज़
क्यूँ दर-पय-ए-तलाश हैं अहबाब-ओ-अक़रबा
'परवीं' शहीद-ए-नाज़ को क़ातिल से क्या ग़रज़
jo dil mirā nahīñ mujhe us dil se kyā ġharaz
chalnī na ho jo raah to manzil se kyā ġharaz
Dūbūñgā gar hai mere muqaddar meñ Dūbnā
ġhavvās-e-bahr-e-ishq ko sāhil se kyā ġharaz
vo dil ko dekhtā hai na a.amāl-e-zāhirī
lailā ke ḳhvāst-gār ko mahmil se kyā ġharaz
suntā hai kaun āshiqoñ kī āh-o-zāriyāñ
gosh-e-chaman ko shor-e-anādil se kyā ġharaz
ham us ke shefta haiñ raqīboñ se vāsta
gul se ġharaz hai fauj-e-anādil se kyā ġharaz
martā huuñ aur jā nahīñ saktā sū-e-adam
mujh nā-tavāñ ko tauq-o-salāsil se kyā ġharaz
kyuuñ dar-pai-e-talāsh haiñ ahbāb-o-aqrabā
'parvīñ' shahīd-e-nāz ko qātil se kyā ġharaz
جو دل مرا نہیں مجھے اس دل سے کیا غرض
چلنی نہ ہو جو راہ تو منزل سے کیا غرض
ڈوبوں گا گر ہے میرے مقدر میں ڈوبنا
غواص بحر عشق کو ساحل سے کیا غرض
وہ دل کو دیکھتا ہے نہ اعمال ظاہری
لیلیٰ کے خواست گار کو محمل سے کیا غرض
سنتا ہے کون عاشقوں کی آہ و زاریاں
گوش چمن کو شور عنادل سے کیا غرض
ہم اس کے شیفتہ ہیں رقیبوں سے واسطہ
گل سے غرض ہے فوج عنادل سے کیا غرض
مرتا ہوں اور جا نہیں سکتا سوئے عدم
مجھ ناتواں کو طوق و سلاسل سے کیا غرض
کیوں در پئے تلاش ہیں احباب و اقربا
پرویںؔ شہید ناز کو قاتل سے کیا غرض