जो दिल को पहले मयस्सर था क्या हुआ उस का
जो इस सुकून से बेहतर था क्या हुआ उस का
कहाँ लिए चली जाती है मुझ को वीरानी
यहीं कहीं पे मिरा घर था क्या हुआ उस का
कुछ ऐसे अश्क पिए हैं कि अब ख़बर ही नहीं
इस आँख में जो समुंदर था क्या हुआ उस का
नज़र गई सो गई पर कोई बताए मुझे
बड़े कमाल का मंज़र था क्या हुआ उस का
ये सोचने नहीं देता सितमगरों का हुजूम
कि वो जो पहला सितम-गर था क्या हुआ उस का
मैं सुब्ह ख़्वाब से जागा तो ये ख़याल आया
जो रात मेरे बराबर था क्या हुआ उस का
मैं जिस के हाथ लगा हूँ उसे मुबारक हो
मगर जो मेरा मुक़द्दर था क्या हुआ उस का
jo dil ko pahle mayassar thā kyā huā us kā
jo is sukūn se behtar thā kyā huā us kā
kahāñ liye chalī jaatī hai mujh ko vīrānī
yahīñ kahīñ pe mirā ghar thā kyā huā us kā
kuchh aise ashk piye haiñ ki ab ḳhabar hī nahīñ
is aañkh meñ jo samundar thā kyā huā us kā
nazar ga.ī so ga.ī par koī batā.e mujhe
baḌe kamāl kā manzar thā kyā huā us kā
ye sochne nahīñ detā sitamgaroñ kā hujūm
ki vo jo pahlā sitam-gar thā kyā huā us kā
maiñ sub.h ḳhvāb se jaagā to ye ḳhayāl aayā
jo raat mere barābar thā kyā huā us kā
maiñ jis ke haath lagā huuñ use mubārak ho
magar jo merā muqaddar thā kyā huā us kā
جو دل کو پہلے میسر تھا کیا ہوا اس کا
جو اس سکون سے بہتر تھا کیا ہوا اس کا
کہاں لیے چلی جاتی ہے مجھ کو ویرانی
یہیں کہیں پہ مرا گھر تھا کیا ہوا اس کا
کچھ ایسے اشک پئے ہیں کہ اب خبر ہی نہیں
اس آنکھ میں جو سمندر تھا کیا ہوا اس کا
نظر گئی سو گئی پر کوئی بتائے مجھے
بڑے کمال کا منظر تھا کیا ہوا اس کا
یہ سوچنے نہیں دیتا ستم گروں کا ہجوم
کہ وہ جو پہلا ستمگر تھا کیا ہوا اس کا
میں صبح خواب سے جاگا تو یہ خیال آیا
جو رات میرے برابر تھا کیا ہوا اس کا
میں جس کے ہاتھ لگا ہوں اسے مبارک ہو
مگر جو میرا مقدر تھا کیا ہوا اس کا