जिस तरह बच्चे बुज़ुर्गों के चरण चूमते हैं
हम मोहब्बत से मोहब्बत का बदन चूमते हैं
मुँह लगाते नहीं बाज़ार के फूलों को कभी
हम फ़क़त अपने गुलाबों के दहन चूमते हैं
मैं ने हालात पे रक्खी है ग़ज़ल की बुनियाद
इस लिए लोग मिरा रंग-ए-सुख़न चूमते हैं
मुँह पे मल लेते हैं हम ख़ाक-ए-मदीना की तरह
माँ के क़दमों की तरह ख़ाक-ए-वतन चूमते हैं
ज़िंदगी में तो उन्हें बोझ समझते हैं मगर
लोग मरने पे बुज़ुर्गों का कफ़न चूमते हैं
और बढ़ जाता है मंज़िल पे पहुँचने का सुरूर
आबले जब मिरे पैरों की थकन चूमते हैं
jis tarah bachche buzurgoñ ke charan chūmte haiñ
ham mohabbat se mohabbat kā badan chūmte haiñ
muñh lagāte nahīñ bāzār ke phūloñ ko kabhī
ham faqat apne gulāboñ ke dahan chūmte haiñ
maiñ ne hālāt pe rakkhī hai ġhazal kī buniyād
is liye log mirā rang-e-suḳhan chūmte haiñ
muñh pe mal lete haiñ ham ḳhāk-e-madīna kī tarah
maañ ke qadmoñ kī tarah ḳhāk-e-vatan chūmte haiñ
zindagī meñ to unheñ bojh samajhte haiñ magar
log marne pe buzurgoñ kā kafan chūmte haiñ
aur baḌh jaatā hai manzil pe pahuñchne kā surūr
aable jab mire pairoñ kī thakan chūmte haiñ
جس طرح بچے بزرگوں کے چرن چومتے ہیں
ہم محبت سے محبت کا بدن چومتے ہیں
منہ لگاتے نہیں بازار کے پھولوں کو کبھی
ہم فقط اپنے گلابوں کے دہن چومتے ہیں
میں نے حالات پہ رکھی ہے غزل کی بنیاد
اس لئے لوگ مرا رنگ سخن چومتے ہیں
منہ پہ مل لیتے ہیں ہم خاک مدینہ کی طرح
ماں کے قدموں کی طرح خاک وطن چومتے ہیں
زندگی میں تو انہیں بوجھ سمجھتے ہیں مگر
لوگ مرنے پہ بزرگوں کا کفن چومتے ہیں
اور بڑھ جاتا ہے منزل پہ پہنچنے کا سرور
آبلے جب مرے پیروں کی تھکن چومتے ہیں