जिस की ख़ातिर उम्र गँवाई इक दुनिया को भूली मैं
जी कहता था उस से कह दूँ लेकिन कैसे कहती मैं
मेरी ज़ात का जिस की नज़र से इतना गहरा रिश्ता है
उस की आँख समुंदर जैसी हरी-भरी इक धरती है
बंद किवाड़ों पर इक जानी पहचानी दस्तक जो सुनी
यूँही डूपट्टा छोड़ के भागी नंगे पाँव ही पगली मैं
किस का चेहरा देख लिया था सोते सोते बचपन में
ख़्वाबों की ख़ुश-रंग नदी में बरसों डूबी उभरी में
सब से बड़ा ये जुर्म था मेरा इसी लिए बदनाम हुई
सारी दुनिया जहाँ गिरी थी उसी मोड़ पर संभली मैं
ये भी सच है ऐसे कब तक मिल-जुल कर चल सकते थे
कुछ तो वो भी था हरजाई थोड़ी सी थी ज़िद्दी मैं
यूँही शायद जाते जाते उस ने इधर भी देखा हो
जाड़ों का मौसम था लेकिन सर से पा तक भीगी मैं
मेरे लिए तो जीने का ये एक सहारा काफ़ी है
कोई चाहे कुछ भी कह ले तेरी नज़र में अच्छी मैं
मेरी मजबूरी ने 'शबनम' जिस को बद-ज़न कर डाला
उस की क़सम थी जान से प्यारी झूटी कैसे खाती मैं
jis kī ḳhātir umr gañvā.ī ik duniyā ko bhūlī maiñ
jī kahtā thā us se kah duuñ lekin kaise kahtī maiñ
merī zaat kā jis kī nazar se itnā gahrā rishta hai
us kī aañkh samundar jaisī harī-bharī ik dhartī hai
band kivāḌoñ par ik jaanī pahchānī dastak jo sunī
yūñhī DupaTTa chhoḌ ke bhāgī nange paañv hī paglī maiñ
kis kā chehra dekh liyā thā sote sote bachpan meñ
ḳhvāboñ kī ḳhush-rang nadī meñ barsoñ Duubī ubhrī meñ
sab se baḌā ye jurm thā merā isī liye badnām huī
saarī duniyā jahāñ girī thī usī moḌ par sañbhlī maiñ
ye bhī sach hai aise kab tak mil-jul kar chal sakte the
kuchh to vo bhī thā harjā.ī thoḌī sī thī ziddī maiñ
yūñhī shāyad jaate jaate us ne idhar bhī dekhā ho
jāḌoñ kā mausam thā lekin sar se pā tak bhīgī maiñ
mere liye to jiine kā ye ek sahārā kaafī hai
koī chāhe kuchh bhī kah le terī nazar meñ achchhī maiñ
merī majbūrī ne 'shabnam' jis ko bad-zan kar Daalā
us kī qasam thī jaan se pyārī jhūTī kaise khātī maiñ
جس کی خاطر عمر گنوائی اک دنیا کو بھولی میں
جی کہتا تھا اس سے کہہ دوں لیکن کیسے کہتی میں
میری ذات کا جس کی نظر سے اتنا گہرا رشتہ ہے
اس کی آنکھ سمندر جیسی ہری بھری اک دھرتی ہے
بند کواڑوں پر اک جانی پہچانی دستک جو سنی
یوں ہی ڈوپٹہ چھوڑ کے بھاگی ننگے پاؤں ہی پگلی میں
کس کا چہرہ دیکھ لیا تھا سوتے سوتے بچپن میں
خوابوں کی خوش رنگ ندی میں برسوں ڈوبی ابھری میں
سب سے بڑا یہ جرم تھا میرا اسی لئے بدنام ہوئی
ساری دنیا جہاں گری تھی اسی موڑ پر سنبھلی میں
یہ بھی سچ ہے ایسے کب تک مل جل کر چل سکتے تھے
کچھ تو وہ بھی تھا ہرجائی تھوڑی سی تھی ضدی میں
یوں ہی شاید جاتے جاتے اس نے ادھر بھی دیکھا ہو
جاڑوں کا موسم تھا لیکن سر سے پا تک بھیگی میں
میرے لئے تو جینے کا یہ ایک سہارا کافی ہے
کوئی چاہے کچھ بھی کہہ لے تیری نظر میں اچھی میں
میری مجبوری نے شبنمؔ جس کو بد ظن کر ڈالا
اس کی قسم تھی جان سے پیاری جھوٹی کیسے کھاتی میں