जी चाहता है जीना जज़्बात के मुताबिक़
हालात कर रहे हैं हालात के मुताबिक़
जिस दर्जा हिज्र-रुत में आँखें बरस रही हैं
ग़ज़लें भी उग रही हैं बरसात के मुताबिक़
सुख चैन और ख़ुशी का अंदाज़ा मत लगाओ
अस्बाब ओ माल-ओ-ज़र की बोहतात के मुताबिक़
हो शहर के मुताबिक़ हासिल हर इक सुहूलत
माहौल पर सुकूँ हो देहात के मुताबिक़
देखो ख़ुलूस-ए-निय्यत जज़्बात और मोहब्बत
मत चाहतों को तोलो सौग़ात के मुताबिक़
चादर ही के मुताबिक़ फैलाओ पाँव 'राग़िब'
मेआ'र-ए-ज़ीस्त रक्खा औक़ात के मुताबिक़
jī chāhtā hai jiinā jazbāt ke mutābiq
hālāt kar rahe haiñ hālāt ke mutābiq
jis darja hijr-rut meñ āñkheñ baras rahī haiñ
ġhazleñ bhī ug rahī haiñ barsāt ke mutābiq
sukh chain aur ḳhushī kā andāza mat lagāo
asbāb o māl-o-zar kī bohtāt ke mutābiq
ho shahr ke mutābiq hāsil har ik suhūlat
māhaul par sukūñ ho dehāt ke mutābiq
dekho ḳhulūs-e-niyyat jazbāt aur mohabbat
mat chāhatoñ ko tolo sauġhāt ke mutābiq
chādar hī ke mutābiq phailāo paañv 'rāġhib'
me.ār-e-zīst rakkhā auqāt ke mutābiq
جی چاہتا ہے جینا جذبات کے مطابق
حالات کر رہے ہیں حالات کے مطابق
جس درجہ ہجر رت میں آنکھیں برس رہی ہیں
غزلیں بھی اگ رہی ہیں برسات کے مطابق
سکھ چین اور خوشی کا اندازہ مت لگاؤ
اسباب و مال و زر کی بہتات کے مطابق
ہو شہر کے مطابق حاصل ہر اک سہولت
ماحول پر سکوں ہو دیہات کے مطابق
دیکھو خلوص نیت جذبات اور محبت
مت چاہتوں کو تولو سوغات کے مطابق
چادر ہی کے مطابق پھیلاؤ پاؤں راغبؔ
معیار زیست رکھا اوقات کے مطابق