जज़ीरे हों कि वो सहरा हों ख़्वाब होना है
समुंदरों को किसी दिन सराब होना है
सवाल पूछने वालो तुम्हें भी आख़िर-ए-कार
रहीन-मिन्नत-ए-बार-ए-जवाब होना है
खंडर में बैठ के रोने की ख़ू नहीं जाती
तुम्हारी आँख पे शायद अज़ाब होना है
वो ज़ुल्मतें जो उजालों के घर में रहती हैं
उन्हें भी मिस्ल-ए-सहर बे-नक़ाब होना है
वो दिन जो नीली किताबों में बंद है उस को
अभी तो मेरे लिए बे-हिजाब होना है
अभी तो ख़्वाहिश-ए-बे-दस्त-ओ-पा सलामत है
अभी कुछ और ये ख़ाना-ख़राब होना है
ये शाख़ शाख़ परिंदे पुकारते हैं 'मतीन'
हमें तो शाख़ से गिर कर गुलाब होना है
jazīre hoñ ki vo sahrā hoñ ḳhvāb honā hai
samundaroñ ko kisī din sarāb honā hai
savāl pūchhne vaalo tumheñ bhī āḳhir-e-kār
rahīn-e-minnat-e-bār-e-javāb honā hai
khañDar meñ baiTh ke rone kī ḳhū nahīñ jaatī
tumhārī aañkh pe shāyad azaab honā hai
vo zulmateñ jo ujāloñ ke ghar meñ rahtī haiñ
unheñ bhī misl-e-sahr be-naqāb honā hai
vo din jo niilī kitāboñ meñ band hai us ko
abhī to mere liye be-hijāb honā hai
abhī to ḳhvāhish-e-be-dast-o-pā salāmat hai
abhī kuchh aur ye ḳhāna-ḳharāb honā hai
ye shāḳh shāḳh parinde pukārte haiñ 'matīn'
hameñ to shāḳh se gir kar gulāb honā hai
جزیرے ہوں کہ وہ صحرا ہوں خواب ہونا ہے
سمندروں کو کسی دن سراب ہونا ہے
سوال پوچھنے والو تمہیں بھی آخر کار
رہین منت بار جواب ہونا ہے
کھنڈر میں بیٹھ کے رونے کی خو نہیں جاتی
تمہاری آنکھ پہ شاید عذاب ہونا ہے
وہ ظلمتیں جو اجالوں کے گھر میں رہتی ہیں
انہیں بھی مثل سحر بے نقاب ہونا ہے
وہ دن جو نیلی کتابوں میں بند ہے اس کو
ابھی تو میرے لیے بے حجاب ہونا ہے
ابھی تو خواہش بے دست و پا سلامت ہے
ابھی کچھ اور یہ خانہ خراب ہونا ہے
یہ شاخ شاخ پرندے پکارتے ہیں متینؔ
ہمیں تو شاخ سے گر کر گلاب ہونا ہے