जज़्बे तमाम दिल के ही अंदर बिखर गए
इज़हार करना चाहा था अल्फ़ाज़ मर गए
इन मुश्किलों ने काम ये आसान कर दिया
कुछ लोग वक़्त रहते ही दिल से उतर गए
तन्हाइयों को मेरी बहुत काम मिल गया
आवाज़ें अपनी छोड़ के जब दोस्त घर गए
हर चीज़ शहर-ए-इश्क़ में महँगी थी इस क़दर
लौट आए ख़ाली हाथ ही जब जब उधर गए
jazbe tamām dil ke hī andar bikhar ga.e
iz.hār karnā chāhā thā alfāz mar ga.e
in mushkiloñ ne kaam ye āsān kar diyā
kuchh log vaqt rahte hī dil se utar ga.e
tanhā.iyoñ ko merī bahut kaam mil gayā
āvāzeñ apnī chhoḌ ke jab dost ghar ga.e
har chiiz shahr-e-ishq meñ mahñgī thī is qadar
lauT aa.e ḳhālī haath hī jab jab udhar ga.e
جذبے تمام دل کے ہی اندر بکھر گئے
اظہار کرنا چاہا تھا الفاظ مر گئے
ان مشکلوں نے کام یہ آسان کر دیا
کچھ لوگ وقت رہتے ہی دل سے اتر گئے
تنہائیوں کو میری بہت کام مل گیا
آوازیں اپنی چھوڑ کے جب دوست گھر گئے
ہر چیز شہر عشق میں مہنگی تھی اس قدر
لوٹ آئے خالی ہاتھ ہی جب جب ادھر گئے