जज़्बा-ए-दिल को अमल में कभी लाओ तो सही
अपनी मंज़िल की तरफ़ पाँव बढ़ाओ तो सही
ज़िंदगी वो जो हरीफ़-ए-ग़म-ए-अय्याम रहे
दिल शिकस्ता है तो क्या साज़ उठाओ तो सही
जाग उट्ठेगी ये सोई हुई दुनिया लेकिन
पहले ख़्वाबीदा तमन्ना को जगाओ तो सही
फूल ही फूल हैं कहते हो जिन्हें तुम काँटे
मेरी दुनिया-ए-जुनूँ में कभी आओ तो सही
तुम्हें आबाद नज़र आएगी उजड़ी दुनिया
दिल की दुनिया को मोहब्बत से बसाओ तो सही
ज़िंदगी फिर से जवाँ फिर से हसीं हो जाए
उन की आँखों से ज़रा आँख मिलाओ तो सही
करते फिरते हो अँधेरे की शिकायत 'दर्शन'
दिल की दुनिया में कोई दीप जलाओ तो सही
jazba-e-dil ko amal meñ kabhī laao to sahī
apnī manzil kī taraf paañv baḌhāo to sahī
zindagī vo jo harīf-e-ġham-e-ayyām rahe
dil shikasta hai to kyā saaz uThāo to sahī
jaag uTThegī ye soī huī duniyā lekin
pahle ḳhvābīda tamannā ko jagāo to sahī
phuul hī phuul haiñ kahte ho jinheñ tum kāñTe
merī duniyā-e-junūñ meñ kabhī aao to sahī
tumheñ ābād nazar aa.egī ujḌī duniyā
dil kī duniyā ko mohabbat se basāo to sahī
zindagī phir se javāñ phir se hasīñ ho jaa.e
un kī āñkhoñ se zarā aañkh milāo to sahī
karte phirte ho añdhere kī shikāyat 'darshan'
dil kī duniyā meñ koī diip jalāo to sahī
جذبۂ دل کو عمل میں کبھی لاؤ تو سہی
اپنی منزل کی طرف پاؤں بڑھاؤ تو سہی
زندگی وہ جو حریف غم ایام رہے
دل شکستہ ہے تو کیا ساز اٹھاؤ تو سہی
جاگ اٹھے گی یہ سوئی ہوئی دنیا لیکن
پہلے خوابیدہ تمنا کو جگاؤ تو سہی
پھول ہی پھول ہیں کہتے ہو جنہیں تم کانٹے
میری دنیاے جنوں میں کبھی آؤ تو سہی
تمہیں آباد نظر آئے گی اجڑی دنیا
دل کی دنیا کو محبت سے بساؤ تو سہی
زندگی پھر سے جواں پھر سے حسیں ہو جائے
ان کی آنکھوں سے ذرا آنکھ ملاؤ تو سہی
کرتے پھرتے ہو اندھیرے کی شکایت درشنؔ
دل کی دنیا میں کوئی دیپ جلاؤ تو سہی