जवानी के तराने गा रहा हूँ
दबी चिंगारियाँ सुलगा रहा हूँ
मिरी बज़्म-ए-वफ़ा से जाने वालो
ठहर जाओ कि मैं भी आ रहा हूँ
बुतों को क़ौल देता हूँ वफ़ा का
क़सम अपने ख़ुदा की खा रहा हूँ
वफ़ा का लाज़मी था ये नतीजा
सज़ा अपने किए की पा रहा हूँ
ख़ुदा-लगती कहो बुत-ख़ाने वालो
तुम्हारे साथ में कैसा रहा हूँ
ज़हे वो गोशा-ए-राहत कि जिस में
हुजूम-ए-रंज ले कर जा रहा हूँ
चराग़-ए-ख़ाना-ए-दर्वेश हूँ मैं
इधर जलता उधर बुझता रहा हूँ
नए का'बे की बुनियादों से पूछो
पुराने बुत-कदे क्यूँ ढा रहा हूँ
नहीं काँटे भी क्या उजड़े चमन में
कोई रोके मुझे मैं जा रहा हूँ
हुई जाती है क्यूँ बेताब मंज़िल
मुसलसल चल रहा हूँ आ रहा हूँ
'हफ़ीज़' अपने पराए बन रहे हैं
कि मैं दिल को ज़बाँ पे ला रहा हूँ
javānī ke tarāne gā rahā huuñ
dabī chingāriyāñ sulgā rahā huuñ
mirī bazm-e-vafā se jaane vaalo
Thahar jaao ki maiñ bhī aa rahā huuñ
butoñ ko qaul detā huuñ vafā kā
qasam apne ḳhudā kī khā rahā huuñ
vafā kā lāzmī thā ye natīja
sazā apne kiye kī pā rahā huuñ
ḳhudā-lagtī kaho but-ḳhāne vaalo
tumhāre saath meñ kaisā rahā huuñ
zahe vo gosha-e-rāhat ki jis meñ
hujūm-e-ranj le kar jā rahā huuñ
charāġh-e-ḳhāna-e-darvesh huuñ maiñ
idhar jaltā udhar bujhtā rahā huuñ
na.e kā'be kī buniyādoñ se pūchho
purāne but-kade kyuuñ Dhā rahā huuñ
nahīñ kāñTe bhī kyā ujḌe chaman meñ
koī roke mujhe maiñ jā rahā huuñ
huī jaatī hai kyuuñ betāb manzil
musalsal chal rahā huuñ aa rahā huuñ
'hafīz' apne parā.e ban rahe haiñ
ki maiñ dil ko zabāñ pe lā rahā huuñ
جوانی کے ترانے گا رہا ہوں
دبی چنگاریاں سلگا رہا ہوں
مری بزم وفا سے جانے والو
ٹھہر جاؤ کہ میں بھی آ رہا ہوں
بتوں کو قول دیتا ہوں وفا کا
قسم اپنے خدا کی کھا رہا ہوں
وفا کا لازمی تھا یہ نتیجہ
سزا اپنے کیے کی پا رہا ہوں
خدا لگتی کہو بت خانے والو
تمہارے ساتھ میں کیسا رہا ہوں
زہے وہ گوشۂ راحت کہ جس میں
ہجوم رنج لے کر جا رہا ہوں
چراغ خانۂ درویش ہوں میں
ادھر جلتا ادھر بجھتا رہا ہوں
نئے کعبے کی بنیادوں سے پوچھو
پرانے بت کدے کیوں ڈھا رہا ہوں
نہیں کانٹے بھی کیا اجڑے چمن میں
کوئی روکے مجھے میں جا رہا ہوں
ہوئی جاتی ہے کیوں بیتاب منزل
مسلسل چل رہا ہوں آ رہا ہوں
حفیظؔ اپنے پرائے بن رہے ہیں
کہ میں دل کو زباں پہ لا رہا ہوں