जन्नत के फल ज़मीं पे गिराने की देर थी
इक बार आसमान हिलाने की देर थी
मैं पेड़ में क़ियाम करूँगा तमाम 'उम्र
ये बात ताएरों को बताने की देर थी
ये रम्ज़ मुझ पे ग़ैर का एहसान जानिए
उस दिल में एक फूल खिलाने की देर थी
उस चश्म-ए-नीम-बाज़ की ख़्वाबीदगी की ख़ैर
जैसे उसे ये ख़्वाब सुनाने की देर थी
अफ़्लाक चाक होने लगे चाँद शक़ हुआ
शायद मिरे चराग़ जलाने की देर थी
फिर मैं था अज़दहों का 'इलाक़ा था ख़ौफ़ था
अपनी तरफ़ ख़ुदा को बुलाने की देर थी
तुझ तक पहुँचने में मुझे सदियाँ लगीं मगर
मेरी नहीं थी ये तो ज़माने की देर थी
jannat ke phal zamīñ pe girāne kī der thī
ik baar āsmān hilāne kī der thī
maiñ peḌ meñ qiyām karūñgā tamām 'umr
ye baat tā.eroñ ko batāne kī der thī
ye ramz mujh pe ġhair kā ehsān jāniye
us dil meñ ek phuul khilāne kī der thī
us chashm-e-nīm-bāz kī ḳhvābīdgī kī ḳhair
jaise use ye ḳhvāb sunāne kī der thī
aflāk chaak hone lage chāñd shaq huā
shāyad mire charāġh jalāne kī der thī
phir maiñ thā azdahoñ kā 'ilāqa thā ḳhauf thā
apnī taraf ḳhudā ko bulāne kī der thī
tujh tak pahuñchne meñ mujhe sadiyāñ lagīñ magar
merī nahīñ thī ye to zamāne kī der thī
جنت کے پھل زمیں پہ گرانے کی دیر تھی
اک بار آسمان ہلانے کی دیر تھی
میں پیڑ میں قیام کروں گا تمام عمر
یہ بات طائروں کو بتانے کی دیر تھی
یہ رمز مجھ پہ غیر کا احسان جانیے
اس دل میں ایک پھول کھلانے کی دیر تھی
اس چشم نیم باز کی خوابیدگی کی خیر
جیسے اسے یہ خواب سنانے کی دیر تھی
افلاک چاک ہونے لگے چاند شق ہوا
شاید مرے چراغ جلانے کی دیر تھی
پھر میں تھا اژدہوں کا علاقہ تھا خوف تھا
اپنی طرف خدا کو بلانے کی دیر تھی
تجھ تک پہنچنے میں مجھے صدیاں لگیں مگر
میری نہیں تھی یہ تو زمانے کی دیر تھی