जलता हुआ जो छोड़ गया ताक़ पर मुझे
देखा न इस ने लूट के पिछले पहर मुझे
वहशत से था नवाज़ना इतना अगर मुझे
सहरा दिया है क्यूँ फ़क़त आफ़ाक़ भर मुझे
मैं गूँजता था हर्फ़ में ढलने से पेशतर
घेरा है अब सुकूत ने औराक़ पर मुझे
शाम-ओ-सहर की गर्दिशें भी देखनी तो हैं
अब चाक से उतार मिरे कूज़ा-गर मुझे
दरया-ए-मौज-खेज़ भी जिस पर सवार था
होना पड़ा सवार उसी नाव पर मुझे
मुझ में तड़प रहा है कोई चश्मा-ए-सुकूत
ज़र्ब-ए-असा से देख कभी तोड़ कर मुझे
पहुँचा किधर यहाँ न ज़मीं है न आसमाँ
अब कौन सी मसाफ़तें करनी हैं सर मुझे
थे गंज-ए-बे-क़यास तह-ए-क़ुल्ज़ुम-ए-वजूद
डूबा जो मैं तो मिल गए लाल-ओ-गुहर मुझे
जो ला सके न ताब ही मेरे जुनून की
इस दश्त-ए-कम-सवाद में दाख़िल न कर मुझे
शायद हटा है ग़ैब का पर्दा 'रफ़ीक़-राज़'
आता है नख़्ल-ए-आब पे शोअ'ला नज़र मुझे
jaltā huā jo chhoḌ gayā taaq par mujhe
dekhā na is ne luuT ke pichhle pahar mujhe
vahshat se thā navāznā itnā agar mujhe
sahrā diyā hai kyuuñ faqat āfāq bhar mujhe
maiñ gūñjtā thā harf meñ Dhalne se peshtar
gherā hai ab sukūt ne aurāq par mujhe
shām-o-sahar kī gardisheñ bhī dekhnī to haiñ
ab chaak se utaar mire kūza-gar mujhe
daryā-e-maug-ḳhez bhī jis par savār thā
honā paḌā savār usī naav par mujhe
mujh meñ taḌap rahā hai koī chashma-e-sukūt
zarb-e-asā se dekh kabhī toḌ kar mujhe
pahuñchā kidhar yahāñ na zamīñ hai na āsmāñ
ab kaun sī masāfateñ karnī haiñ sar mujhe
the ganj-e-be-qayās tah-e-qulzum-e-vajūd
Duubā jo maiñ to mil ga.e la.al-o-guhar mujhe
jo lā sake na taab hī mere junūn kī
is dasht-e-kam-savād meñ dāḳhil na kar mujhe
shāyad haTā hai ġhaib kā parda 'rafīq-rāz'
aatā hai naḳhl-e-āb pe sho.ala nazar mujhe
جلتا ہوا جو چھوڑ گیا طاق پر مجھے
دیکھا نہ اس نے لوٹ کے پچھلے پہر مجھے
وحشت سے تھا نوازنا اتنا اگر مجھے
صحرا دیا ہے کیوں فقط آفاق بھر مجھے
میں گونجتا تھا حرف میں ڈھلنے سے پیشتر
گھیرا ہے اب سکوت نے اوراق پر مجھے
شام و سحر کی گردشیں بھی دیکھنی تو ہیں
اب چاک سے اتار مرے کوزہ گر مجھے
دریائے موج خیز بھی جس پر سوار تھا
ہونا پڑا سوار اسی ناؤ پر مجھے
مجھ میں تڑپ رہا ہے کوئی چشمۂ سکوت
ضرب عصا سے دیکھ کبھی توڑ کر مجھے
پہنچا کدھر یہاں نہ زمیں ہے نہ آسماں
اب کون سی مسافتیں کرنی ہیں سر مجھے
تھے گنج بے قیاس تہہ قلزم وجود
ڈوبا جو میں تو مل گئے لعل و گہر مجھے
جو لا سکے نہ تاب ہی میرے جنون کی
اس دشت کم سواد میں داخل نہ کر مجھے
شاید ہٹا ہے غیب کا پردہ رفیق رازؔ
آتا ہے نخل آب پہ شعلہ نظر مجھے