जहाँ क़तरे को तरसाया गया हूँ
वहीं डूबा हुआ पाया गया हूँ
ब-हाल-ए-गुमरही पाया गया हूँ
हरम से दैर में लाया गया हूँ
बला काफ़ी न थी इक ज़िंदगी की
दोबारा याद फ़रमाया गया हूँ
ब-रंग-ए-लाला-ए-वीराना बेकार
खिलाया और मुरझाया गया हूँ
अगरचे अब्र-ए-गौहर-बार हूँ मैं
मगर आँखों से बरसाया गया हूँ
सुपुर्द-ए-ख़ाक ही करना था मुझ को
तो फिर काहे को नहलाया गया हूँ
फ़रिश्ते को न मैं शैतान समझा
नतीजा ये कि बहकाया गया हूँ
कोई सनअत नहीं मुझ में तो फिर क्यूँ
नुमाइश-गाह में लाया गया हूँ
ब-क़ौल-ए-बरहमन क़हर-ए-ख़ुदा हूँ
बुतों के हुस्न पर ढाया गया हूँ
मुझे तो इस ख़बर ने खो दिया है
सुना है मैं कहीं पाया गया हूँ
'हफ़ीज़' अहल-ए-ज़बाँ कब मानते थे
बड़े ज़ोरों से मनवाया गया हूँ
jahāñ qatre ko tarsāyā gayā huuñ
vahīñ Duubā huā paayā gayā huuñ
ba-hāl-e-gumrahī paayā gayā huuñ
haram se dair meñ laayā gayā huuñ
balā kaafī na thī ik zindagī kī
dobāra yaad farmāyā gayā huuñ
ba-rañg-e-lāla-e-vīrāna bekār
khilāyā aur murjhāyā gayā huuñ
agarche abr-e-gauhar-bār huuñ maiñ
magar āñkhoñ se barsāyā gayā huuñ
supurd-e-ḳhāk hī karnā thā mujh ko
to phir kaahe ko nahlāyā gayā huuñ
farishte ko na maiñ shaitān samjhā
natīja ye ki bahkāyā gayā huuñ
koī san.at nahīñ mujh meñ to phir kyuuñ
numā.ish-gāh meñ laayā gayā huuñ
ba-qaul-e-barhaman qahr-e-ḳhudā huuñ
butoñ ke husn par Dhāyā gayā huuñ
mujhe to is ḳhabar ne kho diyā hai
sunā hai maiñ kahīñ paayā gayā huuñ
'hafīz' ahl-e-zabāñ kab mānte the
baḌe zoroñ se manvāyā gayā huuñ
جہاں قطرے کو ترسایا گیا ہوں
وہیں ڈوبا ہوا پایا گیا ہوں
بہ حال گمرہی پایا گیا ہوں
حرم سے دیر میں لایا گیا ہوں
بلا کافی نہ تھی اک زندگی کی
دوبارہ یاد فرمایا گیا ہوں
برنگ لالۂ ویرانہ بے کار
کھلایا اور مرجھایا گیا ہوں
اگرچہ ابر گوہر بار ہوں میں
مگر آنکھوں سے برسایا گیا ہوں
سپرد خاک ہی کرنا تھا مجھ کو
تو پھر کاہے کو نہلایا گیا ہوں
فرشتے کو نہ میں شیطان سمجھا
نتیجہ یہ کہ بہکایا گیا ہوں
کوئی صنعت نہیں مجھ میں تو پھر کیوں
نمائش گاہ میں لایا گیا ہوں
بقول برہمن قہر خدا ہوں
بتوں کے حسن پر ڈھایا گیا ہوں
مجھے تو اس خبر نے کھو دیا ہے
سنا ہے میں کہیں پایا گیا ہوں
حفیظؔ اہل زباں کب مانتے تھے
بڑے زوروں سے منوایا گیا ہوں