जब तलक वो साथ था इक गुनगुनाती धूप थी
हर तरफ़ ही सर्दियों की मुस्कुराती धूप थी
ख़्वाब में आया था कोई रौशनी पहने हुए
और चेहरे पर सुनहरी झिलमिलाती धूप थी
खिल उठे थे ज़ख़्म सारे सुर्ख़ फूलों की तरह
वो तुम्हारी याद थी या मो’जज़ाती धूप थी
चल दिया था मैं अकेला ख़ुद से मिलने के लिए
दूर तक बंजर ज़मीं थी चिलचिलाती धूप थी
शाम की परछाइयों में राज़ ये मुझ पर खुला
इस ज़मीं पर हर तरफ़ साए बनाती धूप थी
आसमाँ से जैसे उतरें तितलियों के क़ाफ़िले
बादलों की ओट से यूँ छन के आती धूप थी
अब तो 'आसिफ़' कोहर ने डेरे जमाए हैं मगर
हर तरफ़ उस की हँसी की चहचहाती धूप थी
jab talak vo saath thā ik gungunātī dhuup thī
har taraf hī sardiyoñ kī muskurātī dhuup thī
ḳhvāb meñ aayā thā koī raushnī pahne hue
aur chehre par sunahrī jhilmilātī dhuup thī
khil uThe the zaḳhm saare surḳh phūloñ kī tarah
vo tumhārī yaad thī yā mo’jazātī dhuup thī
chal diyā thā maiñ akelā ḳhud se milne ke liye
duur tak banjar zamīñ thī chilchilātī dhuup thī
shaam kī parchhā.iyoñ meñ raaz ye mujh par khulā
is zamīñ par har taraf saa.e banātī dhuup thī
āsmāñ se jaise utreñ titliyoñ ke qāfile
bādaloñ kī oT se yuuñ chhan ke aatī dhuup thī
ab to 'āsif' kohr ne Dere jamā.e haiñ magar
har taraf us kī hañsī kī chahchahātī dhuup thī
جب تلک وہ ساتھ تھا اک گنگناتی دھوپ تھی
ہر طرف ہی سردیوں کی مسکراتی دھوپ تھی
خواب میں آیا تھا کوئی روشنی پہنے ہوئے
اور چہرے پر سنہری جھلملاتی دھوپ تھی
کھل اٹھے تھے زخم سارے سرخ پھولوں کی طرح
وہ تمہاری یاد تھی یا معجزاتی دھوپ تھی
چل دیا تھا میں اکیلا خود سے ملنے کے لیے
دور تک بنجر زمیں تھی چلچلاتی دھوپ تھی
شام کی پرچھائیوں میں راز یہ مجھ پر کھلا
اس زمیں پر ہر طرف سائے بناتی دھوپ تھی
آسماں سے جیسے اتریں تتلیوں کے قافلے
بادلوں کی اوٹ سے یوں چھن کے آتی دھوپ تھی
اب تو آصفؔ کہر نے ڈیرے جمائے ہیں مگر
ہر طرف اس کی ہنسی کی چہچہاتی دھوپ تھی