जब रिहा हो जाऊँगा मैं रंज-ओ-ग़म के दाम से
तब कहूँगा अब गुज़रती है बड़े आराम से
फिरते-फिरते थक गए हम साथ कब तक उस का दें
अब तो जी घबरा चला है गर्दिश-ए-अय्याम से
फ़िक्र-ए-दुनिया इक तरफ़ है फ़िक्र-ए-उक़्बा इक तरफ़
किस तरह गुज़रेगी या-रब अपनी अब आराम से
है अलामत ये भी इक मेरी शिकस्त-ए-तौबा की
मय पिलाता है जो साक़ी मुझ को टूटे जाम से
उम्र अपनी सर्फ़ कर दी ज़ुल्फ़-ओ-रुख़ के ध्यान में
काम ही क्या इस जहाँ के हम को सुब्ह-ओ-शाम से
ख़्वाब हो गर सिलसिला जारी रखें तहरीर का
कुछ तशफ़्फ़ी होती है इस नामा-ओ-पैग़ाम से
रात-दिन रंज-ओ-मसाइब का है अब तो सामना
इक ज़माना था गुज़रती थी बहुत आराम से
एक दिन वो था कि चैन आता न था मेरे बग़ैर
आज वो बरहम हुए जाते हैं मेरे नाम से
सख़्तियों से रात-दिन हम को नहीं मिलती नजात
लोग कहते हैं गुज़रती है बड़े आराम से
तुम उसी को सिद्क़-ए-दिल से रात-दिन जपते रहो
मुश्किलें होती हैं आसाँ बस उसी के नाम से
ग़म न खाना रंज के है बा'द राहत भी ज़रूर
सब्र करना 'शाद' गुज़रेगी बहुत आराम से
jab rihā ho jā.ūñgā maiñ ranj-o-ġham ke daam se
tab kahūñgā ab guzartī hai baḌe ārām se
phirte-phirte thak ga.e ham saath kab tak us kā deñ
ab to jī ghabrā chalā hai gardish-e-ayyām se
fikr-e-duniyā ik taraf hai fikr-e-uqbā ik taraf
kis tarah guzregī yā-rab apnī ab ārām se
hai alāmat ye bhī ik merī shikast-e-tauba kī
mai pilātā hai jo saaqī mujh ko TuuTe jaam se
umr apnī sarf kar dī zulf-o-ruḳh ke dhyān meñ
kaam hī kyā is jahāñ ke ham ko sub.h-o-shām se
ḳhvāb ho gar silsila jaarī rakheñ tahrīr kā
kuchh tashaffī hotī hai is nāma-o-paiġhām se
rāt-din ranj-o-masā.ib kā hai ab to sāmnā
ik zamāna thā guzartī thī bahut ārām se
ek din vo thā ki chain aatā na thā mere baġhair
aaj vo barham hue jaate haiñ mere naam se
saḳhtiyoñ se rāt-din ham ko nahīñ miltī najāt
log kahte haiñ guzartī hai baḌe ārām se
tum usī ko sidq-e-dil se rāt-din japte raho
mushkileñ hotī haiñ āsāñ bas usī ke naam se
ġham na khānā ranj ke hai baa'd rāhat bhī zarūr
sabr karnā 'shād' guzregī bahut ārām se
جب رہا ہو جاؤں گا میں رنج و غم کے دام سے
تب کہوں گا اب گزرتی ہے بڑے آرام سے
پھرتے پھرتے تھک گئے ہم ساتھ کب تک اس کا دیں
اب تو جی گھبرا چلا ہے گردش ایام سے
فکر دنیا اک طرف ہے فکر عقبیٰ اک طرف
کس طرح گزرے گی یا رب اپنی اب آرام سے
ہے علامت یہ بھی اک میری شکست توبہ کی
مے پلاتا ہے جو ساقی مجھ کو ٹوٹے جام سے
عمر اپنی صرف کر دی زلف و رخ کے دھیان میں
کام ہی کیا اس جہاں کے ہم کو صبح و شام سے
خواب ہو گر سلسلہ جاری رکھیں تحریر کا
کچھ تشفی ہوتی ہے اس نامہ و پیغام سے
رات دن رنج و مصائب کا ہے اب تو سامنا
اک زمانہ تھا گزرتی تھی بہت آرام سے
ایک دن وہ تھا کہ چین آتا نہ تھا میرے بغیر
آج وہ برہم ہوئے جاتے ہیں میرے نام سے
سختیوں سے رات دن ہم کو نہیں ملتی نجات
لوگ کہتے ہیں گزرتی ہے بڑے آرام سے
تم اسی کو صدق دل سے رات دن جپتے رہو
مشکلیں ہوتی ہیں آساں بس اسی کے نام سے
غم نہ کھانا رنج کے ہے بعد راحت بھی ضرور
صبر کرنا شادؔ گزرے گی بہت آرام سے