जब कि पहलू में हमारे बुत-ए-ख़ुद-काम न हो
गिर्ये से शाम-ओ-सहर क्यूँ कि हमें काम न हो
ले गया दिल का जो आराम हमारे या रब
उस दिल-आराम को मुतलक़ कभी आराम न हो
जिस को समझे लब-ए-पाँ-ख़ुर्दा वो मालीदा-मिस्सी
मर्दुमाँ देखियो फूली वो कहीं शाम न हो
आज तशरीफ़ गुलिस्ताँ में वो मय-कश लाया
कफ़-ए-नर्गिस पे धरा क्यूँकि भला जाम न हो
कर मुझे क़त्ल वहाँ अब कि न हो कोई जहाँ
ता मिरी जाँ तू कहीं ख़ल्क़ में बदनाम न हो
देख कर खोलियो तू काकुल-ए-पेचाँ की गिरह
कि मिरा ताइर-ए-दिल उस के तह-ए-दाम न हो
बिन तिरे ऐ बुत-ए-ख़ुद-काम ये दिल को है ख़तर
तेरे 'आशिक़ का तमाम आह कहीं काम न हो
आज हर एक जो यारो नज़र आता है निढाल
अपनी अबरू की वो खींचे हुए समसाम न हो
है मिरे शोख़ की बालीदा वो काफ़िर आँखें
जिस के हम चश्म ज़रा नर्गिस-ए-बादाम न हो
सुब्ह होती ही नहीं और नहीं कटती रात
रुख़ पे खोले वो कहीं ज़ुल्फ-ए-सियाह-फ़ाम न हो
ऐ 'ज़फ़र' चर्ख़ पे ख़ुर्शीद जो यूँ काँपे है
जल्वा-गर आज कहीं यार लब-ए-बाम न हो
jab ki pahlū meñ hamāre but-e-ḳhud-kām na ho
girye se shām-o-sahar kyuuñ ki hameñ kaam na ho
le gayā dil kā jo ārām hamāre yā rab
us dil-ārām ko mutlaq kabhī ārām na ho
jis ko samjhe lab-e-pāñ-ḳhurda vo mālīda-missī
mardumāñ dekhiyo phūlī vo kahīñ shaam na ho
aaj tashrīf gulistāñ meñ vo mai-kash laayā
kaf-e-nargis pe dharā kyūñki bhalā jaam na ho
kar mujhe qatl vahāñ ab ki na ho koī jahāñ
tā mirī jaañ tū kahīñ ḳhalq meñ badnām na ho
dekh kar kholiyo tū kākul-e-pechāñ kī girah
ki mirā tā.ir-e-dil us ke tah-e-dām na ho
bin tire ai but-e-ḳhud-kām ye dil ko hai ḳhatar
tere 'āshiq kā tamām aah kahīñ kaam na ho
aaj har ek jo yaaro nazar aatā hai niDhāl
apnī abrū kī vo khīñche hue samsām na ho
hai mire shoḳh kī bālīda vo kāfir āñkheñ
jis ke ham chashm zarā nargis-e-bādām na ho
sub.h hotī hī nahīñ aur nahīñ kaTtī raat
ruḳh pe khole vo kahīñ zulf-e-siyāh-fām na ho
ai 'zafar' charḳh pe ḳhurshīd jo yuuñ kāñpe hai
jalva-gar aaj kahīñ yaar lab-e-bām na ho
جب کہ پہلو میں ہمارے بت خود کام نہ ہو
گریے سے شام و سحر کیوں کہ ہمیں کام نہ ہو
لے گیا دل کا جو آرام ہمارے یا رب
اس دل آرام کو مطلق کبھی آرام نہ ہو
جس کو سمجھے لب پاں خوردہ وہ مالیدہ مسی
مردماں دیکھیو پھولی وہ کہیں شام نہ ہو
آج تشریف گلستاں میں وہ مے کش لایا
کف نرگس پہ دھرا کیونکہ بھلا جام نہ ہو
کر مجھے قتل وہاں اب کہ نہ ہو کوئی جہاں
تا مری جاں تو کہیں خلق میں بدنام نہ ہو
دیکھ کر کھولیو تو کاکل پیچاں کی گرہ
کہ مرا طائر دل اس کے تہ دام نہ ہو
بن ترے اے بت خود کام یہ دل کو ہے خطر
تیرے عاشق کا تمام آہ کہیں کام نہ ہو
آج ہر ایک جو یارو نظر آتا ہے نڈھال
اپنی ابرو کی وہ کھینچے ہوئے صمصام نہ ہو
ہے مرے شوخ کی بالیدہ وہ کافر آنکھیں
جس کے ہم چشم ذرا نرگس بادام نہ ہو
صبح ہوتی ہی نہیں اور نہیں کٹتی رات
رخ پہ کھولے وہ کہیں زلف سیاہ فام نہ ہو
اے ظفرؔ چرخ پہ خورشید جو یوں کانپے ہے
جلوہ گر آج کہیں یار لب بام نہ ہو