जब आदमी मुद्दआ-ए-हक़ है तो क्या कहें मुद्दआ' कहाँ है
ख़ुदा है ख़ुद जिस के दिल में पिन्हाँ वो ढूँढता है ख़ुदा कहाँ है
ये बज़्म-ए-यारान-ए-ख़ुद-नुमा है न कर ख़ुलूस-ए-वफ़ा की बातें
सभी तो हैं मुद्दई' वफ़ा के यहाँ कोई बेवफ़ा कहाँ है
तमाम परतव हैं अक्स-ए-परतव तमाम जल्वे हैं अक्स-ए-जल्वा
कहाँ से लाऊँ मिसाल-ए-सूरत कि आप सा दूसरा कहाँ है
निहाँ हैं तकमील-ए-ख़ुद-शनासी में जल्वा-हा-ए-ख़ुदा-शनासी
जो अपनी हस्ती से बे-ख़बर है वो आप से आश्ना कहाँ है
पड़ी है सुनसान दिल की वादी अकेला महव-ए-तलाश हूँ मैं
कि इश्क़ के राह-रौ किधर हैं वफ़ाओं का क़ाफ़िला कहाँ है
जिन्हें वसाएल पे है भरोसा ये बात उन को बता दे कोई
बचा ले कश्ती को जो भँवर से ख़ुदा है वो नाख़ुदा कहाँ है
पड़ा ही रहने दो सर-ब-सज्दा न छूटने दो ये आस्ताना
कि 'दर्शन'-ए-ख़स्ता का ठिकाना तुम्हारे दर के सिवा कहाँ है
jab aadmī mudd.ā-e-haq hai to kyā kaheñ mudda.ā kahāñ hai
ḳhudā hai ḳhud jis ke dil meñ pinhāñ vo DhūñDhtā hai ḳhudā kahāñ hai
ye bazm-e-yārān-e-ḳhud-numā hai na kar ḳhulūs-e-vafā kī bāteñ
sabhī to haiñ mudda.ī vafā ke yahāñ koī bevafā kahāñ hai
tamām partav haiñ aks-e-partav tamām jalve haiñ aks-e-jalva
kahāñ se lā.ūñ misāl-e-sūrat ki aap sā dūsrā kahāñ hai
nihāñ haiñ takmīl-e-ḳhud-shanāsī meñ jalva-hā-e-ḳhudā-shanāsī
jo apnī hastī se be-ḳhabar hai vo aap se āshnā kahāñ hai
paḌī hai sunsān dil kī vaadī akelā mahv-e-talāsh huuñ maiñ
ki ishq ke rāh-rau kidhar haiñ vafāoñ kā qāfila kahāñ hai
jinheñ vasā.el pe hai bharosā ye baat un ko batā de koī
bachā le kashtī ko jo bhañvar se ḳhudā hai vo nāḳhudā kahāñ hai
paḌā hī rahne do sar-ba-sajda na chhūTne do ye āstāna
ki 'darshan'-e-ḳhasta kā Thikānā tumhāre dar ke sivā kahāñ hai
جب آدمی مدعائے حق ہے تو کیا کہیں مدعا کہاں ہے
خدا ہے خود جس کے دل میں پنہاں وہ ڈھونڈھتا ہے خدا کہاں ہے
یہ بزم یاران خود نما ہے نہ کر خلوص وفا کی باتیں
سبھی تو ہیں مدعی وفا کے یہاں کوئی بے وفا کہاں ہے
تمام پرتو ہیں عکس پرتو تمام جلوے ہیں عکس جلوہ
کہاں سے لاؤں مثال صورت کہ آپ سا دوسرا کہاں ہے
نہاں ہیں تکمیل خود شناسی میں جلوہ ہائے خدا شناسی
جو اپنی ہستی سے بے خبر ہے وہ آپ سے آشنا کہاں ہے
پڑی ہے سنسان دل کی وادی اکیلا محو تلاش ہوں میں
کہ عشق کے راہرو کدھر ہیں وفاؤں کا قافلہ کہاں ہے
جنہیں وسائل پہ ہے بھروسا یہ بات ان کو بتا دے کوئی
بچا لے کشتی کو جو بھنور سے خدا ہے وہ ناخدا کہاں ہے
پڑا ہی رہنے دو سر بہ سجدہ نہ چھوٹنے دو یہ آستانہ
کہ درشنؔ خستہ کا ٹھکانا تمہارے در کے سوا کہاں ہے