जाने ये कैसा ज़हर दिलों में उतर गया
परछाईं ज़िंदा रह गई इंसान मर गया
बर्बादियाँ तो मेरा मुक़द्दर ही थीं मगर
चेहरों से दोस्तों के मुलम्मा उतर गया
ऐ दोपहर की धूप बता क्या जवाब दूँ
दीवार पूछती है कि साया किधर गया
इस शहर में फ़राश-तलब है हर एक राह
वो ख़ुश-नसीब था जो सलीक़े से मर गया
क्या क्या न उस को ज़ोम-ए-मसीहाई था 'उमीद'
हम ने दिखाए ज़ख़्म तो चेहरा उतर गया
jaane ye kaisā zahr diloñ meñ utar gayā
parchhā.īñ zinda rah ga.ī insān mar gayā
barbādiyāñ to merā muqaddar hī thiiñ magar
chehroñ se dostoñ ke mulammā utar gayā
ai dopahar kī dhuup batā kyā javāb duuñ
dīvār pūchhtī hai ki saaya kidhar gayā
is shahr meñ farāsh-talab hai har ek raah
vo ḳhush-nasīb thā jo salīqe se mar gayā
kyā kyā na us ko zom-e-masīhā.ī thā 'umīd'
ham ne dikhā.e zaḳhm to chehra utar gayā
جانے یہ کیسا زہر دلوں میں اتر گیا
پرچھائیں زندہ رہ گئی انسان مر گیا
بربادیاں تو میرا مقدر ہی تھیں مگر
چہروں سے دوستوں کے ملمع اتر گیا
اے دوپہر کی دھوپ بتا کیا جواب دوں
دیوار پوچھتی ہے کہ سایہ کدھر گیا
اس شہر میں فراش طلب ہے ہر ایک راہ
وہ خوش نصیب تھا جو سلیقے سے مر گیا
کیا کیا نہ اس کو زعم مسیحائی تھا امیدؔ
ہم نے دکھائے زخم تو چہرہ اتر گیا