जान-ए-बे-ताब अजब तेरे ठिकाने निकले
बारिश-ए-संग में सब आइना-ख़ाने निकले
सब बड़े ज़ोम से आए थे नए सूरत-गर
सब के दामन से वही ख़्वाब पुराने निकले
रात हर वादा-ओ-पैमान अमर लगता था
सुब्ह के साथ कई उज़्र बहाने निकले
ऐ किसी आते हुए ज़िंदा ज़माने के ख़याल
हम तिरे रास्ते में पलकें बिछाने निकले
कास-ए-दर्द लिए कब से खड़े सोचते हैं
दस्त-ए-इम्कान से क्या चीज़ न जाने निकले
हर्फ़-ए-इंकार सर-ए-बज़्म कहा मैं ने 'ज़फ़र'
लाख अंदेशे मिरे दिल को डराने निकले
jān-e-be-tāb ajab tere Thikāne nikle
bārish-e-sañg meñ sab ā.ina-ḳhāne nikle
sab baḌe zo.am se aa.e the na.e sūrat-gar
sab ke dāman se vahī ḳhvāb purāne nikle
raat har vādā-o-paimān amar lagtā thā
sub.h ke saath ka.ī uzr bahāne nikle
ai kisī aate hue zinda zamāne ke ḳhayāl
ham tire rāste meñ palkeñ bichhāne nikle
kāsa-e-dard liye kab se khaḌe sochte haiñ
dast-e-imkān se kyā chiiz na jaane nikle
harf-e-inkār sar-e-bazm kahā maiñ ne 'zafar'
laakh andeshe mire dil ko Darāne nikle
جان بے تاب عجب تیرے ٹھکانے نکلے
بارش سنگ میں سب آئنہ خانے نکلے
سب بڑے زعم سے آئے تھے نئے صورت گر
سب کے دامن سے وہی خواب پرانے نکلے
رات ہر وعدہ و پیمان امر لگتا تھا
صبح کے ساتھ کئی عذر بہانے نکلے
اے کسی آتے ہوئے زندہ زمانے کے خیال
ہم ترے راستے میں پلکیں بچھانے نکلے
کاسۂ درد لیے کب سے کھڑے سوچتے ہیں
دست امکان سے کیا چیز نہ جانے نکلے
حرف انکار سر بزم کہا میں نے ظفرؔ
لاکھ اندیشے مرے دل کو ڈرانے نکلے