आ के जब ख़्वाब तुम्हारे ने कहा बिस्मिल्लाह
दिल मुसाफ़िर थके-हारे ने कहा बिस्मिल्लाह
हिज्र की रात में जब दर्द के बिस्तर पे गिरा
शब के बहते हुए धारे ने कहा बिस्मिल्लाह
शाम का वक़्त था और नाव थी साहिल के क़रीब
पाँव छूते ही किनारे ने कहा बिस्मिल्लाह
अजनबी शहर में था पहला पड़ाव मेरा
बाम से झुक के सितारे ने कहा बिस्मिल्लाह
मौत सी सर्दी थी जब राख में डाला था हाथ
एक नन्हे से शरारे ने कहा बिस्मिल्लाह
लड़खड़ाए जो ज़रा पाँव तो इक शोर हुआ
क़ाफ़िले सारे के सारे ने कहा बिस्मिल्लाह
ना-ख़ुदा छोड़ गए बीच भँवर में तो 'ज़फ़र'
एक तिनके के सहारे ने कहा बिस्मिल्लाह
aa ke jab ḳhvāb tumhāre ne kahā bismillāh
dil musāfir thake-hāre ne kahā bismillāh
hijr kī raat meñ jab dard ke bistar pe girā
shab ke bahte hue dhāre ne kahā bismillāh
shaam kā vaqt thā aur naav thī sāhil ke qarīb
paañv chhūte hī kināre ne kahā bismillāh
ajnabī shahr meñ thā pahlā paḌāv merā
baam se jhuk ke sitāre ne kahā bismillāh
maut sī sardī thī jab raakh meñ Daalā thā haath
ek nanhe se sharāre ne kahā bismillāh
laḌkhaḌā.e jo zarā paañv to ik shor huā
qāfile saare ke saare ne kahā bismillāh
nā-ḳhudā chhoḌ ga.e biich bhañvar meñ to 'zafar'
ek tinke ke sahāre ne kahā bismillāh
آ کے جب خواب تمہارے نے کہا بسم اللہ
دل مسافر تھکے ہارے نے کہا بسم اللہ
ہجر کی رات میں جب درد کے بستر پہ گرا
شب کے بہتے ہوئے دھارے نے کہا بسم اللہ
شام کا وقت تھا اور ناؤ تھی ساحل کے قریب
پاؤں چھوتے ہی کنارے نے کہا بسم اللہ
اجنبی شہر میں تھا پہلا پڑاؤ میرا
بام سے جھک کے ستارے نے کہا بسم اللہ
موت سی سردی تھی جب راکھ میں ڈالا تھا ہاتھ
ایک ننھے سے شرارے نے کہا بسم اللہ
لڑکھڑائے جو ذرا پاؤں تو اک شور ہوا
قافلے سارے کے سارے نے کہا بسم اللہ
نا خدا چھوڑ گئے بیچ بھنور میں تو ظفرؔ
ایک تنکے کے سہارے نے کہا بسم اللہ