इस्तादा है जब सामने दीवार कहूँ क्या
हासिल भी नहीं रौज़न-ए-दरकार कहूँ क्या
लगता तो है कुछ दीद को ना-दीद के पीछे
खुलता नहीं मंज़र कोई उस पार कहूँ क्या
हूँ तंग ज़रा जेब से ऐ हसरत-ए-अश्या
शामिल तो है फ़हरिस्त में बाज़ार कहूँ क्या
जिस बात के इंकार का हद-दर्जा गुमाँ है
वो बात यक़ीं के लिए सौ बार कहूँ क्या
मैं उन के जवाबात से और अहल-ए-ज़माना
हैं मेरे सवालात से बेज़ार कहूँ क्या
जिस बात पे थी बहस हुई बहस से ख़ारिज
अब रह गई आपस में है तकरार कहूँ क्या
हम-साए की हम-साए से पहचान नहीं है
पैवस्त है दीवार में दीवार कहूँ क्या
ग़ाफ़िल नहीं ऐसा भी मैं अब अपनी रसद से
इस दिल में तलब का है जो अम्बार कहूँ क्या
गुलज़ार सा खिल उठता है ख़ुश्बू-ए-सुख़न से
जादू है वो इस का दम-ए-गुफ़्तार कहूँ क्या
है रंग बदन का लुग़त-ए-रंग में नापैद
ला-सानी है क़ामत में क़द-ए-यार कहूँ क्या
istāda hai jab sāmne dīvār kahūñ kyā
hāsil bhī nahīñ rauzan-e-darkār kahūñ kyā
lagtā to hai kuchh diid ko nā-dīd ke pīchhe
khultā nahīñ manzar koī us paar kahūñ kyā
huuñ tañg zarā jeb se ai hasrat-e-ashyā
shāmil to hai fahrist meñ bāzār kahūñ kyā
jis baat ke inkār kā had-darja gumāñ hai
vo baat yaqīñ ke liye sau baar kahūñ kyā
maiñ un ke javābāt se aur ahl-e-zamāna
haiñ mere savālāt se bezār kahūñ kyā
jis baat pe thī bahs huī bahs se ḳhārij
ab rah ga.ī aapas meñ hai takrār kahūñ kyā
ham-sā.e kī ham-sā.e se pahchān nahīñ hai
paivast hai dīvār meñ dīvār kahūñ kyā
ġhāfil nahīñ aisā bhī maiñ ab apnī rasad se
is dil meñ talab kā hai jo ambār kahūñ kyā
gulzār sā khil uThtā hai ḳhushbū-e-suḳhan se
jaadū hai vo is kā dam-e-guftār kahūñ kyā
hai rañg badan kā luġhat-e-rañg meñ nāpaid
lā-sānī hai qāmat meñ qad-e-yār kahūñ kyā
استادہ ہے جب سامنے دیوار کہوں کیا
حاصل بھی نہیں روزن درکار کہوں کیا
لگتا تو ہے کچھ دید کو نادید کے پیچھے
کھلتا نہیں منظر کوئی اس پار کہوں کیا
ہوں تنگ ذرا جیب سے اے حسرت اشیا
شامل تو ہے فہرست میں بازار کہوں کیا
جس بات کے انکار کا حد درجہ گماں ہے
وہ بات یقیں کے لئے سو بار کہوں کیا
میں ان کے جوابات سے اور اہل زمانہ
ہیں میرے سوالات سے بیزار کہوں کیا
جس بات پہ تھی بحث ہوئی بحث سے خارج
اب رہ گئی آپس میں ہے تکرار کہوں کیا
ہمسائے کی ہمسائے سے پہچان نہیں ہے
پیوست ہے دیوار میں دیوار کہوں کیا
غافل نہیں ایسا بھی میں اب اپنی رسد سے
اس دل میں طلب کا ہے جو انبار کہوں کیا
گل زار سا کھل اٹھتا ہے خوشبوئے سخن سے
جادو ہے وہ اس کا دم گفتار کہوں کیا
ہے رنگ بدن کا لغت رنگ میں ناپید
لا ثانی ہے قامت میں قد یار کہوں کیا