इश्क़ तो मुश्किल है ऐ दिल कौन कहता सहल है
लेक नादानी से अपनी तू ने समझा सहल है
गर खुले दिल की गिरह तुझ से तो हम जानें तुझे
ऐ सबा ग़ुंचे का उक़्दा खोल देना सहल है
हमदमो दिल के लगाने में कहो लगता है क्या
पर छुड़ाना इस का मुश्किल है लगाना सहल है
गरचे मुश्किल है बहुत मेरा इलाज-ए-दर्द-ए-दिल
पर जो तू चाहे तो ऐ रश्क-ए-मसीहा सहल है
है बहुत दुश्वार मरना ये सुना करते थे हम
पर जुदाई में तिरी हम ने जो देखा सहल है
शम्अ ने जल कर जलाया बज़्म में परवाने को
बिन जले अपने जलाना क्या किसी का सहल है
इश्क़ का रस्ता सरासर है दम-ए-शमशीर पर
बुल-हवस इस राह में रखना क़दम क्या सहल है
ऐ 'ज़फ़र' कुछ हो सके तो फ़िक्र कर उक़्बा का तू
कर न दुनिया का तरद्दुद कार-ए-दुनिया सहल है
ishq to mushkil hai ai dil kaun kahtā sahl hai
lek nādānī se apnī tū ne samjhā sahl hai
gar khule dil kī girah tujh se to ham jāneñ tujhe
ai sabā ġhunche kā uqda khol denā sahl hai
hamdamo dil ke lagāne meñ kaho lagtā hai kyā
par chhuḌānā is kā mushkil hai lagānā sahl hai
garche mushkil hai bahut merā ilāj-e-dard-e-dil
par jo tū chāhe to ai rashk-e-masīhā sahl hai
hai bahut dushvār marnā ye sunā karte the ham
par judā.ī meñ tirī ham ne jo dekhā sahl hai
sham.a ne jal kar jalāyā bazm meñ parvāne ko
bin jale apne jalānā kyā kisī kā sahl hai
ishq kā rasta sarāsar hai dam-e-shamshīr par
bul-havas is raah meñ rakhnā qadam kyā sahl hai
ai 'zafar' kuchh ho sake to fikr kar uqbā kā tū
kar na duniyā kā taraddud kār-e-duniyā sahl hai
عشق تو مشکل ہے اے دل کون کہتا سہل ہے
لیک نادانی سے اپنی تو نے سمجھا سہل ہے
گر کھلے دل کی گرہ تجھ سے تو ہم جانیں تجھے
اے صبا غنچے کا عقدہ کھول دینا سہل ہے
ہمدمو دل کے لگانے میں کہو لگتا ہے کیا
پر چھڑانا اس کا مشکل ہے لگانا سہل ہے
گرچہ مشکل ہے بہت میرا علاج درد دل
پر جو تو چاہے تو اے رشک مسیحا سہل ہے
ہے بہت دشوار مرنا یہ سنا کرتے تھے ہم
پر جدائی میں تری ہم نے جو دیکھا سہل ہے
شمع نے جل کر جلایا بزم میں پروانے کو
بن جلے اپنے جلانا کیا کسی کا سہل ہے
عشق کا رستہ سراسر ہے دم شمشیر پر
بوالہوس اس راہ میں رکھنا قدم کیا سہل ہے
اے ظفرؔ کچھ ہو سکے تو فکر کر عقبیٰ کا تو
کر نہ دنیا کا تردد کار دنیا سہل ہے