इश्क़ शबनम नहीं शरारा है
राज़ ये मुझ पे आश्कारा है
इक करम की निगाह कर दीजे
उम्र-भर का सितम गवारा है
रक़्स में हैं जो साग़र-ओ-मीना
किस की नज़रों का ये इशारा है
ऐसी मंज़िल पे आ गया हूँ दोस्त
तिरे ग़म का फ़क़त सहारा है
लौट आए हैं यार के दर से
वक़्त ने जब हमें पुकारा है
दिल न टूटे तो ज़र्रा-ए-नाचीज़
कीमिया है जो पारा पारा है
जाम-ए-रंगीं में उन का अक्स-ए-जमाल
या शफ़क़ में कोई सितारा है
नाव टकरा चुकी है तूफ़ाँ से
अपना मुर्शिद ही अब सहारा है
इश्क़ करना है मात खा जाना
उस में जीता हुआ भी हारा है
अपने 'दर्शन' पे इक निगाह-ए-करम
कि ग़म-ए-ज़िंदगी का मारा है
ishq shabnam nahīñ sharārā hai
raaz ye mujh pe āshkārā hai
ik karam kī nigāh kar diije
umr-bhar kā sitam gavārā hai
raqs meñ haiñ jo sāġhar-o-mīnā
kis kī nazroñ kā ye ishārā hai
aisī manzil pe aa gayā huuñ dost
tire ġham kā faqat sahārā hai
lauT aa.e haiñ yaar ke dar se
vaqt ne jab hameñ pukārā hai
dil na TuuTe to zarra-e-nāchīz
kīmiyā hai jo paarā paarā hai
jām-e-rañgīñ meñ un kā aks-e-jamāl
yā shafaq meñ koī sitārā hai
naav Takrā chukī hai tūfāñ se
apnā murshid hī ab sahārā hai
ishq karnā hai maat khā jaanā
us meñ jiitā huā bhī haarā hai
apne 'darshan' pe ik nigāh-e-karam
ki ġham-e-zindagī kā maarā hai
عشق شبنم نہیں شرارا ہے
راز یہ مجھ پہ آشکارا ہے
اک کرم کی نگاہ کر دیجے
عمر بھر کا ستم گوارا ہے
رقص میں ہیں جو ساغر و مینا
کس کی نظروں کا یہ اشارا ہے
ایسی منزل پہ آ گیا ہوں دوست
ترے غم کا فقط سہارا ہے
لوٹ آئے ہیں یار کے در سے
وقت نے جب ہمیں پکارا ہے
دل نہ ٹوٹے تو ذرۂ ناچیز
کیمیا ہے جو پارا پارا ہے
جام رنگیں میں ان کا عکس جمال
یا شفق میں کوئی ستارا ہے
ناؤ ٹکرا چکی ہے طوفاں سے
اپنا مرشد ہی اب سہارا ہے
عشق کرنا ہے مات کھا جانا
اس میں جیتا ہوا بھی ہارا ہے
اپنے درشنؔ پہ اک نگاہ کرم
کہ غم زندگی کا مارا ہے