'इश्क़ इन'आम है या बीमारी
दर्द भी प्यारा टीस भी प्यारी
रूह का मोती कौन ख़रीदे
तोल मैं हल्का मोल में भारी
सुख किस किस की आँख का तारा
एक परिंदा हज़ार शिकारी
रुत आए रुत जाए लेकिन
फूल तुम्हारे शाख़ हमारी
ख़ैर और शर दो चलते मोहरे
आगे पीछे बारी बारी
चढ़ते रूप उतरते देखे
सर के साथ गई सरदारी
तेरी और न मेरी दुनिया
झूटे ग़म झूटी ग़म-ख़्वारी
तफ़रक़ा-हा-ए-दैर-ओ-हरम क्या
इक दरबार के सब दरबारी
कूच की नौबत बाजे 'गौहर'
जल्दी से अब कर तय्यारी
क़ैद-ए-हयात से छूटे 'गौहर'
पहनी या ज़ंजीर उतारी
'ishq in'ām hai yā bīmārī
dard bhī pyārā Tiis bhī pyārī
ruuh kā motī kaun ḳharīde
tol maiñ halkā mol meñ bhārī
sukh kis kis kī aañkh kā taarā
ek parinda hazār shikārī
rut aa.e rut jaa.e lekin
phuul tumhāre shāḳh hamārī
ḳhair aur shar do chalte mohre
aage pīchhe baarī baarī
chaḌhte ruup utarte dekhe
sar ke saath ga.ī sardārī
terī aur na merī duniyā
jhūTe ġham jhūTī ġham-ḳhvārī
tafraqa-hā-e-dair-o-haram kyā
ik darbār ke sab darbārī
kuuch kī naubat baaje 'gauhar'
jaldī se ab kar tayyārī
qaid-e-hayāt se chhūTe 'gauhar'
pahnī yā zanjīr utārī
عشق انعام ہے یا بیماری
درد بھی پیارا ٹیس بھی پیاری
روح کا موتی کون خریدے
تول میں ہلکا مول میں بھاری
سکھ کس کس کی آنکھ کا تارا
ایک پرندہ ہزار شکاری
رت آئے رت جائے لیکن
پھول تمھارے شاخ ہماری
خیر اور شر دو چلتے مہرے
آگے پیچھے باری باری
چڑھتے روپ اترتے دیکھے
سر کے ساتھ گئی سرداری
تیری اور نہ میری دنیا
جھوٹے غم جھوٹی غم خواری
تفرقہ ہائے دیر و حرم کیا
اک دربار کے سب درباری
کوچ کی نوبت باجے گوہرؔ
جلدی سے اب کر تیاری
قید حیات سے چھوٹے گوہرؔ
پہنی یا زنجیر اتاری