इस राह में आते हैं बयाबाँ भी चमन भी
कहते हैं जिसे ज़ीस्त शबिस्ताँ भी है रन भी
क्या हो गया इंसान का वो शौक़-ए-शहादत
वीरान नज़र आते हैं अब दार-ओ-रसन भी
बुझ जाएगी मिल-जुल के अगर प्यास बुझाओ
गंगा ही के नज़दीक तो है रूद-ए-जमन भी
अब लाला-ब-दामाँ न कोई चाक-गरेबाँ
वीरान चमन ही नहीं सुनसान है बन भी
इक हम ही नहीं आबला-पा दश्त-ओ-दमन में
आते हैं नज़र ख़ाक-बसर लाला-बदन भी
ख़ाली नहीं अब दामन-ए-हसरत मिरा 'दर्शन'
हम-राह-ए-वफ़ा मुझ को मिला इश्क़-ए-वतन भी
is raah meñ aate haiñ bayābāñ bhī chaman bhī
kahte haiñ jise ziist shabistāñ bhī hai ran bhī
kyā ho gayā insān kā vo shauq-e-shahādat
vīrān nazar aate haiñ ab dār-o-rasan bhī
bujh jā.egī mil-jul ke agar pyaas bujhāo
gañgā hī ke nazdīk to hai rūd-e-jaman bhī
ab lāla-ba-dāmāñ na koī chāk-garebāñ
vīrān chaman hī nahīñ sunsān hai ban bhī
ik ham hī nahīñ ābla-pā dasht-o-daman meñ
aate haiñ nazar ḳhāk-basar lāla-badan bhī
ḳhālī nahīñ ab dāman-e-hasrat mirā 'darshan'
ham-rāh-e-vafā mujh ko milā ishq-e-vatan bhī
اس راہ میں آتے ہیں بیاباں بھی چمن بھی
کہتے ہیں جسے زیست شبستاں بھی ہے رن بھی
کیا ہو گیا انسان کا وہ شوق شہادت
ویران نظر آتے ہیں اب دار و رسن بھی
بجھ جائے گی مل جل کے اگر پیاس بجھاؤ
گنگا ہی کے نزدیک تو ہے رود جمن بھی
اب لالہ بد اماں نہ کوئی چاک گریباں
ویران چمن ہی نہیں سنسان ہے بن بھی
اک ہم ہی نہیں آبلہ پا دشت و دمن میں
آتے ہیں نظر خاک بسر لالہ بدن بھی
خالی نہیں اب دامن حسرت مرا درشنؔ
ہم راہ وفا مجھ کو ملا عشق وطن بھی