इक़रार ही के साथ ये इंकार अभी से
दिल तोड़ते हो क्यों मिरा पैमाँ-शिकनी से
हर इक को है अब उन्स उसी बुत की गली से
वीरान हुईं मस्जिदें सूने हैं कलीसे
बोसा ही मुझे दो जो नहीं वस्ल पे राज़ी
अच्छा है वही काम जो हो जाए ख़ुशी से
वाइ'ज़ जो पता ख़ुल्द का पूछे तो बता दूँ
जन्नत की तरफ़ जाते हैं उस बुत की गली से
बाज़ आओ बुतो अपनी जफ़ाओं से ख़ुदा-रा
तोड़ो न मिरा शीशा-ए-दिल तंग-दिली से
तुम आज ज़रूर आओगे लेकिन ये बता दो
सच्चा कोई इक़रार किया भी है किसी से
पूरा करे अल्लाह मिरे दिल का इरादा
मर कर भी न उठ्ठूँ बुत-ए-काफ़िर की गली से
वाइ'ज़ ये बरसते हुए बादल ये घटाएँ
मैं बच नहीं सकता कभी तौबा-शिकनी से
मैं किस से 'फहीम' और कहूँ हाल-ए-ग़म अपना
अल्लाह है आगाह मिरे दर्द-ए-दिली से
iqrār hī ke saath ye inkār abhī se
dil toḌte ho kyoñ mirā paimāñ-shikanī se
har ik ko hai ab uns usī but kī galī se
vīrān huiiñ masjideñ suune haiñ kalīse
bosa hī mujhe do jo nahīñ vasl pe raazī
achchhā hai vahī kaam jo ho jaa.e ḳhushī se
vaa.iz jo patā ḳhuld kā pūchhe to batā duuñ
jannat kī taraf jaate haiñ us but kī galī se
baaz aao buto apnī jafāoñ se ḳhudā-rā
toḌo na mirā shīsha-e-dil tañg-dilī se
tum aaj zarūr aaoge lekin ye batā do
sachchā koī iqrār kiyā bhī hai kisī se
puurā kare allāh mire dil kā irāda
mar kar bhī na uTThūñ but-e-kāfir kī galī se
vaa.iz ye baraste hue bādal ye ghaTā.eñ
maiñ bach nahīñ saktā kabhī tauba-shikanī se
maiñ kis se 'fahīm' aur kahūñ hāl-e-ġham apnā
allāh hai āgāh mire dard-e-dilī se
اقرار ہی کے ساتھ یہ انکار ابھی سے
دل توڑتے ہو کیوں مرا پیماں شکنی سے
ہر اک کو ہے اب انس اسی بت کی گلی سے
ویران ہوئیں مسجدیں سونے ہیں کلیسے
بوسہ ہی مجھے دو جو نہیں وصل پہ راضی
اچھا ہے وہی کام جو ہو جائے خوشی سے
واعظ جو پتا خلد کا پوچھے تو بتا دوں
جنت کی طرف جاتے ہیں اس بت کی گلی سے
باز آؤ بتو اپنی جفاؤں سے خدا را
توڑو نہ مرا شیشۂ دل تنگ دلی سے
تم آج ضرور آؤ گے لیکن یہ بتا دو
سچا کوئی اقرار کیا بھی ہے کسی سے
پورا کرے اللہ مرے دل کا ارادہ
مر کر بھی نہ اٹھوں بت کافر کی گلی سے
واعظ یہ برستے ہوئے بادل یہ گھٹائیں
میں بچ نہیں سکتا کبھی توبہ شکنی سے
میں کس سے فہیمؔ اور کہوں حال غم اپنا
اللہ ہے آگاہ مرے درد دلی سے