इन की नज़रों में न बन जाए तमाशा चेहरा
इस लिए डरता हूँ दिखलाने से अपना चेहरा
जाने क्या बात हुई शहर-ए-निगार-ए-जाँ में
आज क्यूँ अजनबी लगता है शनासा चेहरा
बहर-ए-ग़म भी है कभी आशिक़ ख़स्ता के लिए
है कभी साहिल-ए-इशरत भी तुम्हारा चेहरा
हम वहाँ हैं जहाँ क़ाएम है हुकूमत दिल की
फिर भी क्यूँ रोज़ दिखाता है करिश्मा चेहरा
चेहरा-ए-हुस्न को अब देख के ये सोचता हूँ
आइना है कोई या आइना-ख़ाना चेहरा
क्या रहे दिल की कोई बात मुअ'म्मा बन कर
करता रहता है यहाँ दिल का फ़साना चेहरा
कौन है जिस के लिए इतना परेशान है दिल
ढूँढता रहता है अब किस को वो चेहरा चेहरा
कुश्ता-ए-गर्दिश-ए-दौराँ हुए उफ़ री तक़दीर
वर्ना कल चाँद से बेहतर था हमारा चेहरा
वो तिरे फूल से दिन मुझ को बहुत याद आए
मैं ने देखा जो तिरा धूप में झुलसा चेहरा
चश्म-ए-मुश्ताक़ ज़-सर ता-ब-क़दम मैं भी हूँ
बन गया है जो तिरा हुस्न सरापा चेहरा
मेहरबाँ कौन मिरे दिल पे है इतना ऐ 'ज़फ़र'
हर घड़ी रहता है आँखों में ये किस का चेहरा
in kī nazroñ meñ na ban jaa.e tamāsha chehra
is liye Dartā huuñ dikhlāne se apnā chehra
jaane kyā baat huī shahr-e-nigār-e-jāñ meñ
aaj kyuuñ ajnabī lagtā hai shanāsā chehra
bahr-e-ġham bhī hai kabhī āshiq ḳhasta ke liye
hai kabhī sāhil-e-ishrat bhī tumhārā chehra
ham vahāñ haiñ jahāñ qaa.em hai hukūmat dil kī
phir bhī kyuuñ roz dikhātā hai karishma chehra
chehra-e-husn ko ab dekh ke ye sochtā huuñ
aa.ina hai koī yā ā.ina-ḳhāna chehra
kyā rahe dil kī koī baat muamma ban kar
kartā rahtā hai yahāñ dil kā fasāna chehra
kaun hai jis ke liye itnā pareshān hai dil
DhūñDhtā rahtā hai ab kis ko vo chehra chehra
kushta-e-gardish-e-daurāñ hue uf rī taqdīr
varna kal chāñd se behtar thā hamārā chehra
vo tire phuul se din mujh ko bahut yaad aa.e
maiñ ne dekhā jo tirā dhuup meñ jhulsā chehra
chashm-e-mushtāq za-sar tā-ba-qadam maiñ bhī huuñ
ban gayā hai jo tirā husn sarāpā chehra
mehrbāñ kaun mire dil pe hai itnā ai 'zafar'
har ghaḌī rahtā hai āñkhoñ meñ ye kis kā chehra
ان کی نظروں میں نہ بن جائے تماشہ چہرہ
اس لیے ڈرتا ہوں دکھلانے سے اپنا چہرہ
جانے کیا بات ہوئی شہر نگار جاں میں
آج کیوں اجنبی لگتا ہے شناسا چہرہ
بحر غم بھی ہے کبھی عاشق خستہ کے لیے
ہے کبھی ساحل عشرت بھی تمہارا چہرہ
ہم وہاں ہیں جہاں قائم ہے حکومت دل کی
پھر بھی کیوں روز دکھاتا ہے کرشمہ چہرہ
چہرۂ حسن کو اب دیکھ کے یہ سوچتا ہوں
آئنہ ہے کوئی یا آئنہ خانہ چہرہ
کیا رہے دل کی کوئی بات معمہ بن کر
کرتا رہتا ہے یہاں دل کا فسانہ چہرہ
کون ہے جس کے لیے اتنا پریشان ہے دل
ڈھونڈھتا رہتا ہے اب کس کو وہ چہرہ چہرہ
کشتۂ گردش دوراں ہوئے اف ری تقدیر
ورنہ کل چاند سے بہتر تھا ہمارا چہرہ
وہ ترے پھول سے دن مجھ کو بہت یاد آئے
میں نے دیکھا جو ترا دھوپ میں جھلسا چہرہ
چشم مشتاق ز سر تا بہ قدم میں بھی ہوں
بن گیا ہے جو ترا حسن سراپا چہرہ
مہرباں کون مرے دل پہ ہے اتنا اے ظفرؔ
ہر گھڑی رہتا ہے آنکھوں میں یہ کس کا چہرہ