इक दर्द सा पहलू में मचलता है सर-ए-शाम
जब चाँद झरोके में निकलता है सर-ए-शाम
बे-नाम सी इक आग दहक उठती है दिल में
महताब जो ठंडक सी उगलता है सर-ए-शाम
कुछ देर शफ़क़ फूलती है जैसे उफ़ुक़ पर
ऐसे ही मिरा हाल सँभलता है सर-ए-शाम
ये दिल है मिरा या किसी कुटिया का दिया है
बुझता है दम-ए-सुब्ह तो जलता है सर-ए-शाम
बनता है वो इक चेहरा कभी गुल कभी शो'ला
साँचे में ख़यालों के जो ढलता है सर-ए-शाम
छट जाती है आलाम-ए-ज़माना की सियाही
जब दौर तिरी याद का चलता है सर-ए-शाम
मैं दूर बहुत दूर पहुँच जाता हूँ 'ताइब'
रुख़ सोच का धारा जो बदलता है सर-ए-शाम
ik dard sā pahlū meñ machaltā hai sar-e-shām
jab chāñd jharoke meñ nikaltā hai sar-e-shām
be-nām sī ik aag dahak uThtī hai dil meñ
mahtāb jo ThanDak sī ugaltā hai sar-e-shām
kuchh der shafaq phūltī hai jaise ufuq par
aise hī mirā haal sañbhaltā hai sar-e-shām
ye dil hai mirā yā kisī kuTiyā kā diyā hai
bujhtā hai dam-e-sub.h to jaltā hai sar-e-shām
bantā hai vo ik chehra kabhī gul kabhī sho'la
sāñche meñ ḳhayāloñ ke jo Dhaltā hai sar-e-shām
chhaT jaatī hai ālām-e-zamāna kī siyāhī
jab daur tirī yaad kā chaltā hai sar-e-shām
maiñ duur bahut duur pahuñch jaatā huuñ 'tā.ib'
ruḳh soch kā dhārā jo badaltā hai sar-e-shām
اک درد سا پہلو میں مچلتا ہے سر شام
جب چاند جھروکے میں نکلتا ہے سر شام
بے نام سی اک آگ دہک اٹھتی ہے دل میں
مہتاب جو ٹھنڈک سی اگلتا ہے سر شام
کچھ دیر شفق پھولتی ہے جیسے افق پر
ایسے ہی مرا حال سنبھلتا ہے سر شام
یہ دل ہے مرا یا کسی کٹیا کا دیا ہے
بجھتا ہے دم صبح تو جلتا ہے سر شام
بنتا ہے وہ اک چہرہ کبھی گل کبھی شعلہ
سانچے میں خیالوں کے جو ڈھلتا ہے سر شام
چھٹ جاتی ہے آلام زمانہ کی سیاہی
جب دور تری یاد کا چلتا ہے سر شام
میں دور بہت دور پہنچ جاتا ہوں تائبؔ
رخ سوچ کا دھارا جو بدلتا ہے سر شام