दे तबस्सुम की ख़ैरात माहौल को हम को दरकार है रौशनी या नबी
एक शीरीं झलक एक रंगीं डलक तल्ख़-ओ-तारीक है ज़िंदगी या नबी
ऐ नवेद-ए-मसीहा तिरी क़ौम का हाल 'ईसा की भेड़ों से अबतर हुआ
इस के कमज़ोर और बे-हुनर हाथ से छीन ली चर्ख़ ने बरतरी या नबी
काम हम ने रखा सिर्फ़ अज़़कार से तेरी ता'लीम अपनाई अग़्यार ने
हश्र में मुँह दिखाएँगे कैसे तुझे हम से ना-कर्दा-कार उम्मती या नबी
रूह वीरान है आँख हैरान है एक बोहरान था एक बोहरान है
गुलशनों शहरों क़रियों पे है पर-फ़िशाँ एक गम्भीर अफ़्सुर्दगी या नबी
सच मिरे दौर में जुर्म है 'ऐब है झूट फ़न्न-ए-अज़ीम आज ला-रैब है
एक ए'ज़ाज़ है जहल ओ बे-रह-रवी एक आज़ार है आगही या नबी
राज़दाँ इस जहाँ में बनाऊँ किसे रूह के ज़ख़्म जा कर दिखाऊँ किसे
ग़ैर के सामने क्यों तमाशा बनूँ क्यों करूँ दोस्तों को दुखी या नबी
ज़ीस्त के तपते सहरा प शाह-ए-'अरब तेरे इकराम का अब्र बरसेगा कब
कब हरी होगी शाख़-ए-तमन्ना मिरी कब मिटेगी मिरी तिश्नगी या नबी
या नबी अब तो आशोब-ए-हालात ने तेरी यादों के चेहरे भी धुँदला दिए
देख ले तेरे 'ताइब' की नग़्मा-गरी बनती जाती है नौहागरी या नबी
de tabassum kī ḳhairāt māhaul ko ham ko darkār hai raushnī yā nabī
ek shīrīñ jhalak ek rangīñ Dalak talḳh-o-tārīk hai zindagī yā nabī
ai naved-e-masīhā tirī qaum kā haal 'iisā kī bheḌoñ se abtar huā
is ke kamzor aur be-hunar haath se chhīn lī charḳh ne bartarī yā nabī
kaam ham ne rakhā sirf azkār se terī tā'līm apnā.ī aġhyār ne
hashr meñ muñh dikhā.eñge kaise tujhe ham se nā-karda-kār ummatī yā nabī
ruuh vīrān hai aañkh hairān hai ek bohrān thā ek bohrān hai
gulshanoñ shahroñ qariyoñ pe hai par-fishāñ ek gambhīr afsurdagī yā nabī
sach mire daur meñ jurm hai 'aib hai jhuuT fann-e-azīm aaj lā-raib hai
ek e'zāz hai jahl o be-rah-ravī ek āzār hai āgahī yā nabī
rāzdāñ is jahāñ meñ banā.ūñ kise ruuh ke zaḳhm jā kar dikhā.ūñ kise
ġhair ke sāmne kyoñ tamāshā banūñ kyoñ karūñ dostoñ ko dukhī yā nabī
ziist ke tapte sahrā pa shāh-e-'arab tere ikrām kā abr barsegā kab
kab harī hogī shāḳh-e-tamannā mirī kab miTegī mirī tishnagī yā nabī
yā nabī ab to āshob-e-hālāt ne terī yādoñ ke chehre bhī dhuñdlā diye
dekh le tere 'tā.ib' kī naġhma-garī bantī jaatī hai nauhagarī yā nabī
دے تبسم کی خیرات ماحول کو ہم کو درکار ہے روشنی یا نبی
ایک شیریں جھلک ایک رنگیں ڈلک تلخ و تاریک ہے زندگی یا نبی
اے نوید مسیحا تری قوم کا حال عیسیٰ کی بھیڑوں سے ابتر ہوا
اس کے کمزور اور بے ہنر ہاتھ سے چھین لی چرخ نے برتری یا نبی
کام ہم نے رکھا صرف اذکار سے تیری تعلیم اپنائی اغیار نے
حشر میں منہ دکھائیں گے کیسے تجھے ہم سے ناکردہ کار امتی یا نبی
روح ویران ہے آنکھ حیران ہے ایک بحران تھا ایک بحران ہے
گلشنوں شہروں قریوں پہ ہے پرفشاں ایک گمبھیر افسردگی یا نبی
سچ مرے دور میں جرم ہے عیب ہے جھوٹ فن عظیم آج لا ریب ہے
ایک اعزاز ہے جہل و بے رہ روی ایک آزار ہے آگہی یا نبی
راز داں اس جہاں میں بناؤں کسے روح کے زخم جا کر دکھاؤں کسے
غیر کے سامنے کیوں تماشا بنوں کیوں کروں دوستوں کو دکھی یا نبی
زیست کے تپتے صحرا پہ شاہ عرب تیرے اکرام کا ابر برسے گا کب
کب ہری ہوگی شاخ تمنا مری کب مٹے گی مری تشنگی یا نبی
یا نبی اب تو آشوب حالات نے تیری یادوں کے چہرے بھی دھندلا دئے
دیکھ لے تیرے تائبؔ کی نغمہ گری بنتی جاتی ہے نوحہ گری یا نبی