इक ऐसी अन-कही तहरीर करने जा रहा हूँ
हुनर को और भी गम्भीर करने जा रहा हूँ
मिरे एहसास में बेचैन जिस के ख़ाल-ओ-ख़द हैं
उसे हर आँख में तस्वीर करने जा रहा हूँ
मैं फ़रहाद-ए-मआनी तेशा-ए-हर्फ़-ओ-बयाँ से
सुख़न की झील जू-ए-शीर करने जा रहा हूँ
दिलों के दरमियाँ रस्तों में कितने ख़म पड़े हैं
मैं उन को फिर से सीधा तीर करने जा रहा हूँ
वो जिस में बे-नवाओं के लहू की सुर्ख़ियाँ हैं
कुलाह-ए-शाह लीर-ओ-लीर करने जा रहा हूँ
मुझे ज़ंजीरना है अपने हिस्से का ज़माना
सो अपने आप को तस्ख़ीर करने जा रहा हूँ
सदा ताबीर-दर-ताबीर जो रक्खे सफ़र में
मैं वो ख़्वाब-ए-दिगर तामीर करने जा रहा हूँ
ik aisī an-kahī tahrīr karne jā rahā huuñ
hunar ko aur bhī gambhīr karne jā rahā huuñ
mire ehsās meñ bechain jis ke ḳhāl-o-ḳhad haiñ
use har aañkh meñ tasvīr karne jā rahā huuñ
maiñ farhād-e-ma.ānī tīsha-e-harf-o-bayāñ se
suḳhan kī jhiil jū-e-shīr karne jā rahā huuñ
diloñ ke darmiyāñ rastoñ meñ kitne ḳham paḌe haiñ
maiñ un ko phir se sīdhā tiir karne jā rahā huuñ
vo jis meñ be-navāoñ ke lahū kī surḳhiyāñ haiñ
kulāh-e-shāh līr-o-līr karne jā rahā huuñ
mujhe zanjīrnā hai apne hisse kā zamāna
so apne aap ko tasḳhīr karne jā rahā huuñ
sadā tābīr-dar-tābīr jo rakkhe safar meñ
maiñ vo ḳhvāb-e-digar tāmīr karne jā rahā huuñ
اک ایسی ان کہی تحریر کرنے جا رہا ہوں
ہنر کو اور بھی گمبھیر کرنے جا رہا ہوں
مرے احساس میں بے چین جس کے خال و خد ہیں
اسے ہر آنکھ میں تصویر کرنے جا رہا ہوں
میں فرہاد معانی تیشۂ حرف و بیاں سے
سخن کی جھیل جوئے شیر کرنے جا رہا ہوں
دلوں کے درمیاں رستوں میں کتنے خم پڑے ہیں
میں ان کو پھر سے سیدھا تیر کرنے جا رہا ہوں
وہ جس میں بے نواؤں کے لہو کی سرخیاں ہیں
کلاہ شاہ لیر و لیر کرنے جا رہا ہوں
مجھے زنجیرنا ہے اپنے حصے کا زمانہ
سو اپنے آپ کو تسخیر کرنے جا رہا ہوں
سدا تعبیر در تعبیر جو رکھے سفر میں
میں وہ خواب دگر تعمیر کرنے جا رہا ہوں