हिज्र में ग़म की चढ़ाई है इलाही तौबा
क्या नसीबे की बुराई है इलाही तौबा
कितने कानों के वो कच्चे हैं कि अल्लाह की पनाह
क्या रक़ीबों की बन आई है इलाही तौबा
नाला हो आह हो फ़रियाद हो या ज़ारी हो
यार तक सब की रसाई है इलाही तौबा
हो चुका क़त्ल जहाँ तेग़ भी उठने की नहीं
किस क़दर नर्म कलाई है इलाही तौबा
शैख़-साहिब भी नहीं बच के यहाँ से निकले
किस क़दर उन को पिलाई है इलाही तौबा
दिल-लगी आप से की ख़ल्क़ में बदनाम हुए
नेक-नामी ये कमाई है इलाही तौबा
चाह कर तुम को भला और को क्यूँकर चाहूँ
वाह क्या दिल में समाई है इलाही तौबा
ले गए छीन के दिल मैल नहीं चितवन पर
कितनी दीदा में सफ़ाई है इलाही तौबा
बोसा माँगा तो कहा शुक्र-ए-ख़ुदा अच्छा हूँ
बात क्या जल्द उड़ाई है इलाही तौबा
नहीं मा'लूम कि किस शख़्स का मुँह देखा है
आज फिर ग़म की चढ़ाई है इलाही तौबा
कूचा-ए-इश्क़ की सच पूछो तो हम ने 'परवीं'
किस क़दर ख़ाक उड़ाई है इलाही तौबा
hijr meñ ġham kī chaḌhā.ī hai ilāhī tauba
kyā nasībe kī burā.ī hai ilāhī tauba
kitne kānoñ ke vo kachche haiñ ki allāh kī panāh
kyā raqīboñ kī ban aa.ī hai ilāhī tauba
naala ho aah ho fariyād ho yā zaarī ho
yaar tak sab kī rasā.ī hai ilāhī tauba
ho chukā qatl jahāñ teġh bhī uThne kī nahīñ
kis qadar narm kalā.ī hai ilāhī tauba
shaiḳh-sāhib bhī nahīñ bach ke yahāñ se nikle
kis qadar un ko pilā.ī hai ilāhī tauba
dil-lagī aap se kī ḳhalq meñ badnām hue
nek-nāmī ye kamā.ī hai ilāhī tauba
chaah kar tum ko bhalā aur ko kyūñkar chāhūñ
vaah kyā dil meñ samā.ī hai ilāhī tauba
le ga.e chhīn ke dil mail nahīñ chitvan par
kitnī diida meñ safā.ī hai ilāhī tauba
bosa māñgā to kahā shukr-e-ḳhudā achchhā huuñ
baat kyā jald uḌaa.ī hai ilāhī tauba
nahīñ ma.alūm ki kis shaḳhs kā muñh dekhā hai
aaj phir ġham kī chaḌhā.ī hai ilāhī tauba
kūcha-e-ishq kī sach pūchho to ham ne 'parvīñ'
kis qadar ḳhaak uḌaa.ī hai ilāhī tauba
ہجر میں غم کی چڑھائی ہے الٰہی توبہ
کیا نصیبے کی برائی ہے الٰہی توبہ
کتنے کانوں کے وہ کچے ہیں کہ اللہ کی پناہ
کیا رقیبوں کی بن آئی ہے الٰہی توبہ
نالہ ہو آہ ہو فریاد ہو یا زاری ہو
یار تک سب کی رسائی ہے الٰہی توبہ
ہو چکا قتل جہاں تیغ بھی اٹھنے کی نہیں
کس قدر نرم کلائی ہے الٰہی توبہ
شیخ صاحب بھی نہیں بچ کے یہاں سے نکلے
کس قدر ان کو پلائی ہے الٰہی توبہ
دل لگی آپ سے کی خلق میں بدنام ہوئے
نیک نامی یہ کمائی ہے الٰہی توبہ
چاہ کر تم کو بھلا اور کو کیوں کر چاہوں
واہ کیا دل میں سمائی ہے الٰہی توبہ
لے گئے چھین کے دل میل نہیں چتون پر
کتنی دیدہ میں صفائی ہے الٰہی توبہ
بوسہ مانگا تو کہا شکر خدا اچھا ہوں
بات کیا جلد اڑائی ہے الٰہی توبہ
نہیں معلوم کہ کس شخص کا منہ دیکھا ہے
آج پھر غم کی چڑھائی ہے الٰہی توبہ
کوچۂ عشق کی سچ پوچھو تو ہم نے پرویںؔ
کس قدر خاک اڑائی ہے الٰہی توبہ