हज़ार शर्म करो वस्ल में हज़ार लिहाज़
न निभने देगा दिल-ए-ज़ार ओ बे-क़रार लिहाज़
न गुदगुदाओ मुझे मैं भी तुम को छेड़ूँगा
मैं कर चुका हूँ तुम्हारा हज़ार बार लिहाज़
नक़ाब उठने की जुरअत कहीं न कर बैठे
बढ़ाए क्यूँ दिल-ए-मुज़्तर का इज़्तिरार लिहाज़
शराब पी चुके बे-चारे को इजाज़त दो
खड़ा है देर से रुख़्सत को ऐ निगार लिहाज़
मैं मद्ह-संज हूँ दिल से तिरे तलव्वुन का
न पाएदार है उल्फ़त न पाएदार लिहाज़
बताओ तो ये रहेगा विसाल में कब तक
हमारे हाथ के बदले गले का हार लिहाज़
करें जो आप तजाहुल तो क्यूँ न समझाऊँ
करे हुज़ूर कहाँ तक वफ़ा-शिआर लिहाज़
वो अपने सर को ज़रा भी उठा नहीं सकते
झुकी हुइ है जो गर्दन तो है सवार लिहाज़
जो उन से पूछो तो उन के ख़िलाफ़ है शोख़ी
जो हम से पूछो तो हम को है नागवार लिहाज़
तकल्लुफ़ उठते ही 'परवीं' वो ख़ूब खुल खेले
हुआ है शोख़ियों से कितना बे-विक़ार लिहाज़
hazār sharm karo vasl meñ hazār lihāz
na nibhne degā dil-e-zār o be-qarār lihāz
na gudgudāo mujhe maiñ bhī tum ko chheḌūñgā
maiñ kar chukā huuñ tumhārā hazār baar lihāz
naqāb uThne kī jur.at kahīñ na kar baiThe
baḌhā.e kyuuñ dil-e-muztar kā iztirār lihāz
sharāb pī chuke be-chāre ko ijāzat do
khaḌā hai der se ruḳhsat ko ai nigār lihāz
maiñ mad.h-sanj huuñ dil se tire talavvun kā
na pā.edār hai ulfat na pā.edār lihāz
batāo to ye rahegā visāl meñ kab tak
hamāre haath ke badle gale kā haar lihāz
kareñ jo aap tajāhul to kyuuñ na samjhā.ūñ
kare huzūr kahāñ tak vafā-shi.ār lihāz
vo apne sar ko zarā bhī uThā nahīñ sakte
jhukī hui hai jo gardan to hai savār lihāz
jo un se pūchho to un ke ḳhilāf hai shoḳhī
jo ham se pūchho to ham ko hai nāgavār lihāz
takalluf uThte hī 'parvīñ' vo ḳhuub khul khele
huā hai shoḳhiyoñ se kitnā be-viqār lihāz
ہزار شرم کرو وصل میں ہزار لحاظ
نہ نبھنے دے گا دل زار و بے قرار لحاظ
نہ گد گداؤ مجھے میں بھی تم کو چھیڑوں گا
میں کر چکا ہوں تمہارا ہزار بار لحاظ
نقاب اٹھنے کی جرأت کہیں نہ کر بیٹھے
بڑھائے کیوں دل مضطر کا اضطرار لحاظ
شراب پی چکے بے چارہ کو اجازت دو
کھڑا ہے دیر سے رخصت کو اے نگار لحاظ
میں مدح سنج ہوں دل سے ترے تلون کا
نہ پائیدار ہے الفت نہ پائیدار لحاظ
بتاؤ تو یہ رہے گا وصال میں کب تک
ہمارے ہاتھ کے بدلے گلے کا ہار لحاظ
کریں جو آپ تجاہل تو کیوں نہ سمجھاؤں
کرے حضور کہاں تک وفا شعار لحاظ
وہ اپنے سر کو ذرا بھی اٹھا نہیں سکتے
جھکی ہوئی ہے جو گردن تو ہے سوار لحاظ
جو ان سے پوچھو تو ان کے خلاف ہے شوخی
جو ہم سے پوچھو تو ہم کو ہے ناگوار لحاظ
تکلف اٹھتے ہی پرویںؔ وہ خوب کھل کھیلے
ہوا ہے شوخیوں سے کتنا بے وقار لحاظ