हवादिस हम-सफ़र अपने तलातुम हम-इनाँ अपना
ज़माना लूट सकता है तो लूटे कारवाँ अपना
नसीम-ए-सुब्ह से क्या टूटता ख़्वाब-ए-गिराँ अपना
कोई नादान बिजली छू गई है आशियाँ अपना
हमें भी देख लो आसार-ए-मंज़िल देखने वालो
कभी हम ने भी देखा था ग़ुबार-ए-कारवाँ अपना
मिज़ाज-ए-हुस्न पर क्या क्या गुज़रता है गिराँ फिर भी
किसी को आ ही जाता है ख़याल-ए-ना-गहाँ अपना
अज़ल से कर रही है ज़िंदगानी तजरबे लेकिन
ज़माना आज तक समझा नहीं सूद ओ ज़ियाँ अपना
जमाल-ए-दोस्त को पैहम बिखरना है सँवरना है
मोहब्बत ने उठाया है अभी पर्दा कहाँ अपना
हमेशा शम्अ भड़केगी सदा पैमाना छलकेगा
तिरी महफ़िल में हम छोड़ आए हैं जोश-ए-बयाँ अपना
havādis ham-safar apne talātum ham-ināñ apnā
zamāna luuT saktā hai to luuTe kārvāñ apnā
nasīm-e-sub.h se kyā TūTtā ḳhvāb-e-girāñ apnā
koī nādān bijlī chhū ga.ī hai āshiyāñ apnā
hameñ bhī dekh lo āsār-e-manzil dekhne vaalo
kabhī ham ne bhī dekhā thā ġhubār-e-kārvāñ apnā
mizāj-e-husn par kyā kyā guzartā hai girāñ phir bhī
kisī ko aa hī jaatā hai ḳhayāl-e-nā-gahāñ apnā
azal se kar rahī hai zindagānī tajrabe lekin
zamāna aaj tak samjhā nahīñ suud o ziyāñ apnā
jamāl-e-dost ko paiham bikharnā hai sañvarnā hai
mohabbat ne uThāyā hai abhī parda kahāñ apnā
hamesha sham.a bhaḌkegī sadā paimāna chhalkegā
tirī mahfil meñ ham chhoḌ aa.e haiñ josh-e-bayāñ apnā
حوادث ہم سفر اپنے تلاطم ہم عناں اپنا
زمانہ لوٹ سکتا ہے تو لوٹے کارواں اپنا
نسیم صبح سے کیا ٹوٹتا خواب گراں اپنا
کوئی نادان بجلی چھو گئی ہے آشیاں اپنا
ہمیں بھی دیکھ لو آثار منزل دیکھنے والو
کبھی ہم نے بھی دیکھا تھا غبار کارواں اپنا
مزاج حسن پر کیا کیا گزرتا ہے گراں پھر بھی
کسی کو آ ہی جاتا ہے خیال نا گہاں اپنا
ازل سے کر رہی ہے زندگانی تجربے لیکن
زمانہ آج تک سمجھا نہیں سود و زیاں اپنا
جمال دوست کو پیہم بکھرنا ہے سنورنا ہے
محبت نے اٹھایا ہے ابھی پردہ کہاں اپنا
ہمیشہ شمع بھڑکے گی سدا پیمانہ چھلکے گا
تری محفل میں ہم چھوڑ آئے ہیں جوش بیاں اپنا