हवा में फिरते हो क्या हिर्स और हवा के लिए
ग़ुरूर छोड़ दो ऐ ग़ाफ़िलो ख़ुदा के लिए
गिरा दिया है हमें किस ने चाह-ए-उल्फ़त में
हम आप डूबे किसी अपने आश्ना के लिए
जहाँ में चाहिए ऐवान ओ क़स्र शाहों को
ये एक गुम्बद-ए-गर्दूं है बस गदा के लिए
वो आईना है कि जिस को है हाजत-ए-सीमाब
इक इज़्तिराब है काफ़ी दिल-ए-सफ़ा के लिए
तपिश से दिल का हो क्या जाने सीने में क्या हाल
जो तेरे तीर का रौज़न न हो हवा के लिए
तबीब-ए-इश्क़ की दुक्काँ में ढूँडते फिरते
ये दर्दमंद-ए-मोहब्बत तिरी दवा के लिए
जो हाथ आए 'ज़फ़र' ख़ाक-पा-ए-'फ़ख़रूद्दीन'
तो मैं रखूँ उसे आँखों के तूतिया के लिए
havā meñ phirte ho kyā hirs aur havā ke liye
ġhurūr chhoḌ do ai ġhāfilo ḳhudā ke liye
girā diyā hai hameñ kis ne chāh-e-ulfat meñ
ham aap Duube kisī apne āshnā ke liye
jahāñ meñ chāhiye aivān o qasr shāhoñ ko
ye ek gumbad-e-gardūñ hai bas gadā ke liye
vo ā.īna hai ki jis ko hai hājat-e-sīmāb
ik iztirāb hai kaafī dil-e-safā ke liye
tapish se dil kā ho kyā jaane siine meñ kyā haal
jo tere tiir kā rauzan na ho havā ke liye
tabīb-e-ishq kī dukkāñ meñ DhūñDte phirte
ye dardmand-e-mohabbat tirī davā ke liye
jo haath aa.e 'zafar' ḳhāk-pā-e-'faḳhruddīn'
to maiñ rakhūñ use āñkhoñ ke tūtiyā ke liye
ہوا میں پھرتے ہو کیا حرص اور ہوا کے لیے
غرور چھوڑ دو اے غافلو خدا کے لیے
گرا دیا ہے ہمیں کس نے چاہ الفت میں
ہم آپ ڈوبے کسی اپنے آشنا کے لیے
جہاں میں چاہیئے ایوان و قصر شاہوں کو
یہ ایک گنبد گردوں ہے بس گدا کے لیے
وہ آئینہ ہے کہ جس کو ہے حاجت سیماب
اک اضطراب ہے کافی دل صفا کے لیے
تپش سے دل کا ہو کیا جانے سینے میں کیا حال
جو تیرے تیر کا روزن نہ ہو ہوا کے لیے
طبیب عشق کی دکاں میں ڈھونڈتے پھرتے
یہ دردمند محبت تری دوا کے لیے
جو ہاتھ آئے ظفرؔ خاک پائے فخراؔلدین
تو میں رکھوں اسے آنکھوں کے توتیا کے لیے