हरीम-ए-दिल में अगर तेरी जुस्तुजू करते
न बुत-कदे की न का'बे की आरज़ू करते
ख़ुदा के वास्ते दे अब तो जाम ऐ साक़ी
ज़बान सूख गई है सुबू सुबू करते
किसी के 'इश्क़ में जल जल के ख़ाक हो जाते
बसान-ए-शम्अ' न हम शरह-ए-आरज़ू करते
तुम्हारा जल्वा तो देखा तुम्हें नहीं देखा
तमाम सर्फ़ हुई 'उम्र जुस्तुजू करते
ज़बाँ को रोकना था इख़्तियार में उन के
न बन पड़ी थी जो मूसा से गुफ़्तुगू करते
कभी तो हैरत-ए-दिल हम से पूछ लेता तू
तुझी से हम तिरे मिलने की आरज़ू करते
ये सच है वो हमें 'राफ़त' ज़रूर मिल जाते
अगर तलाश क़रीब-ए-रग-ए-गुलू करते
harīm-e-dil meñ agar terī justujū karte
na but-kade kī na kā'be kī aarzū karte
ḳhudā ke vāste de ab to jaam ai saaqī
zabān suukh ga.ī hai subū subū karte
kisī ke 'ishq meñ jal jal ke ḳhaak ho jaate
basān-e-sham’ na ham sharh-e-ārzū karte
tumhārā jalva to dekhā tumheñ nahīñ dekhā
tamām sarf huī 'umr justujū karte
zabāñ ko roknā thā iḳhtiyār meñ un ke
na ban paḌī thī jo muusā se guftugū karte
kabhī to hairat-e-dil ham se pūchh letā tū
tujhī se ham tire milne kī aarzū karte
ye sach hai vo hameñ 'rāfat' zarūr mil jaate
agar talāsh qarīb-e-rag-e-gulū karte
حریم دل میں اگر تیری جستجو کرتے
نہ بت کدے کی نہ کعبے کی آرزو کرتے
خدا کے واسطے دے اب تو جام اے ساقی
زبان سوکھ گئی ہے سبو سبو کرتے
کسی کے عشق میں جل جل کے خاک ہو جاتے
بسان شمع نہ ہم شرح آرزو کرتے
تمہارا جلوہ تو دیکھا تمہیں نہیں دیکھا
تمام صرف ہوئی عمر جستجو کرتے
زباں کو روکنا تھا اختیار میں ان کے
نہ بن پڑی تھی جو موسیٰ سے گفتگو کرتے
کبھی تو حیرت دل ہم سے پوچھ لیتا تو
تجھی سے ہم ترے ملنے کی آرزو کرتے
یہ سچ ہے وہ ہمیں رافتؔ ضرور مل جاتے
اگر تلاش قریب رگ گلو کرتے