हर एक गाम पे रंज-ए-सफ़र उठाते हुए
मैं आ पड़ा हूँ यहाँ तुझ से दूर जाते हुए
अजीब आग थी जिस ने मुझे फ़रोग़ दिया
इक इंतिज़ार में रक्खे दिए जलाते हुए
तवील रात से होता है बरसर-ए-पैकार
सो चाक तेज़ हुआ है मुझे बनाते हुए
ये तेज़-गामी-ए-सहरा अलग मिज़ाज की है
जो मुझ से भाग रही है क़रीब आते हुए
है एक शोर-ए-गुज़िश्ता मिरे तआक़ुब में
मैं सुन रहा हूँ जिसे अपने पार आते हुए
शरीक-ए-आतिश ओ आब-ओ-हवा ओ ख़ाक रहे
मिरे अनासिर-ए-तरतीब शक्ल पाते हुए
बहुत क़रीब से गुज़री है वो नवा-ए-सफ़ेद
मिरे हवास का नीला धुआँ उड़ाते हुए
मैं इम्तिज़ाज-ए-क़दीम-ओ-जदीद हूँ 'कामी'
सो इस्म-ए-अस्र ही पढ़ना मुझे बुलाते हुए
har ek gaam pe ranj-e-safar uThāte hue
maiñ aa paḌā huuñ yahāñ tujh se duur jaate hue
ajiib aag thī jis ne mujhe faroġh diyā
ik intizār meñ rakkhe diye jalāte hue
tavīl raat se hotā hai barsar-e-paikār
so chaak tez huā hai mujhe banāte hue
ye tez-gāmi-e-sahrā alag mizāj kī hai
jo mujh se bhaag rahī hai qarīb aate hue
hai ek shor-e-guzishta mire ta.āqub meñ
maiñ sun rahā huuñ jise apne paar aate hue
sharīk-e-ātish o āb-o-havā o ḳhaak rahe
mire anāsir-e-tartīb shakl paate hue
bahut qarīb se guzrī hai vo navā-e-safed
mire havās kā niilā dhuāñ uḌāte hue
maiñ imtizāj-e-qadīm-o-jadīd huuñ 'kāmī'
so ism-e-asr hī paḌhnā mujhe bulāte hue
ہر ایک گام پہ رنج سفر اٹھاتے ہوئے
میں آ پڑا ہوں یہاں تجھ سے دور جاتے ہوئے
عجیب آگ تھی جس نے مجھے فروغ دیا
اک انتظار میں رکھے دیے جلاتے ہوئے
طویل رات سے ہوتا ہے برسر پیکار
سو چاک تیز ہوا ہے مجھے بناتے ہوئے
یہ تیز گامئ صحرا الگ مزاج کی ہے
جو مجھ سے بھاگ رہی ہے قریب آتے ہوئے
ہے ایک شور گزشتہ مرے تعاقب میں
میں سن رہا ہوں جسے اپنے پار آتے ہوئے
شریک آتش و آب و ہوا و خاک رہے
مرے عناصر ترتیب شکل پاتے ہوئے
بہت قریب سے گزری ہے وہ نوائے سفید
مرے حواس کا نیلا دھواں اڑاتے ہوئے
میں امتزاج قدیم و جدید ہوں کامیؔ
سو اسم عصر ہی پڑھنا مجھے بلاتے ہوئے