हर दम बताए जाते हैं हम बेवफ़ा नहीं
तुम को नहीं यक़ीन तो शक की दवा नहीं
वो कह रहे हैं नाज़ से हम बेवफ़ा नहीं
किस का है मुँह जो कह दे ये दावा बजा नहीं
ज़ुल्फ़-ए-रसा भी यार की इतनी रसा नहीं
तूल-ए-शब-ए-फ़िराक़ की कुछ इंतिहा नहीं
आने को है वो होश-रुबा हो के बे-नक़ाब
ऐ बे-ख़ुदी जभी तो पता होश का नहीं
ओ रश्क-ए-हूर क़त्ल न कर मुझ ग़रीब को
कूचा तिरा बहिश्त है कुछ कर्बला नहीं
बिजली से भी सिवा है चमक में निगाह-ए-शोख़
सच है वो तेग़ ही नहीं जिस पर जिला नहीं
कल ख़ुश थे वो जो पूछते थे मेरी आरज़ू
कैसी ये मुझ से चूक हुई कुछ कहा नहीं
शाकी हूँ अपने बख़्त का समझो तो बात भी
तुम क्यों बिगड़ रहे हो तुम्हारा गिला नहीं
रो कर अदू के सोग में अंधेर कर दिया
ऐ शोख़ आज आँख तिरी सुर्मा सा नहीं
दिल दे के मैं हुआ हदफ़-ए-नावक-ए-सितम
इस में मिरी ख़ता है तुम्हारी ख़ता नहीं
घबराओ मत जो माँगते हैं हम दुआ-ए-वस्ल
मक़्बूल हो कभी वो हमारी दुआ नहीं
परियों में ये अदा है न हूरों में ये बनाओ
ख़ुद हुस्न कह रहा है कि सानी तिरा नहीं
इंसाफ़ की जो बात है कहता हूँ ऐ 'फहीम'
शाइ'र नहीं जो मो'तक़िद एहसान का नहीं
har dam batā.e jaate haiñ ham bevafā nahīñ
tum ko nahīñ yaqīn to shak kī davā nahīñ
vo kah rahe haiñ naaz se ham bevafā nahīñ
kis kā hai muñh jo kah de ye da.avā bajā nahīñ
zulf-e-rasā bhī yaar kī itnī rasā nahīñ
tūl-e-shab-e-firāq kī kuchh intihā nahīñ
aane ko hai vo hosh-rubā ho ke be-naqāb
ai be-ḳhudī jabhī to patā hosh kā nahīñ
o rashk-e-hūr qatl na kar mujh ġharīb ko
kūcha tirā bahisht hai kuchh karbalā nahīñ
bijlī se bhī sivā hai chamak meñ nigāh-e-shoḳh
sach hai vo teġh hī nahīñ jis par jilā nahīñ
kal ḳhush the vo jo pūchhte the merī aarzū
kaisī ye mujh se chuuk huī kuchh kahā nahīñ
shākī huuñ apne baḳht kā samjho to baat bhī
tum kyoñ bigaḌ rahe ho tumhārā gila nahīñ
ro kar adū ke sog meñ andher kar diyā
ai shoḳh aaj aañkh tirī surma sā nahīñ
dil de ke maiñ huā hadaf-e-nāvak-e-sitam
is meñ mirī ḳhatā hai tumhārī ḳhatā nahīñ
ghabrāo mat jo māñgte haiñ ham duā-e-vasl
maqbūl ho kabhī vo hamārī duā nahīñ
pariyoñ meñ ye adā hai na hūroñ meñ ye banāo
ḳhud husn kah rahā hai ki saanī tirā nahīñ
insāf kī jo baat hai kahtā huuñ ai 'fahīm'
shā.ir nahīñ jo mo'taqid ehsān kā nahīñ
ہر دم بتائے جاتے ہیں ہم بے وفا نہیں
تم کو نہیں یقین تو شک کی دوا نہیں
وہ کہہ رہے ہیں ناز سے ہم بے وفا نہیں
کس کا ہے منہ جو کہہ دے یہ دعویٰ بجا نہیں
زلف رسا بھی یار کی اتنی رسا نہیں
طول شب فراق کی کچھ انتہا نہیں
آنے کو ہے وہ ہوش ربا ہو کے بے نقاب
اے بے خودی جبھی تو پتا ہوش کا نہیں
او رشک حور قتل نہ کر مجھ غریب کو
کوچہ ترا بہشت ہے کچھ کربلا نہیں
بجلی سے بھی سوا ہے چمک میں نگاہ شوخ
سچ ہے وہ تیغ ہی نہیں جس پر جلا نہیں
کل خوش تھے وہ جو پوچھتے تھے میری آرزو
کیسی یہ مجھ سے چوک ہوئی کچھ کہا نہیں
شاکی ہوں اپنے بخت کا سمجھو تو بات بھی
تم کیوں بگڑ رہے ہو تمہارا گلہ نہیں
رو کر عدو کے سوگ میں اندھیر کر دیا
اے شوخ آج آنکھ تری سرمہ سا نہیں
دل دے کے میں ہوا ہدف ناوک ستم
اس میں مری خطا ہے تمہاری خطا نہیں
گھبراؤ مت جو مانگتے ہیں ہم دعائے وصل
مقبول ہو کبھی وہ ہماری دعا نہیں
پریوں میں یہ ادا ہے نہ حوروں میں یہ بناؤ
خود حسن کہہ رہا ہے کہ ثانی ترا نہیں
انصاف کی جو بات ہے کہتا ہوں اے فہیمؔ
شاعر نہیں جو معتقد احسان کا نہیں