हमारी तरह हुरूफ़-ए-जुनूँ के जाल में आ
कभी तो जल्वा-गह-ए-नून-जीम-दाल में आ
अभी तो गर्द ज़माने की उड़ रही है यहाँ
अभी न मिस्ल-ए-सबा कूचा-ए-ख़याल में आ
गुज़र न जाए कहीं ख़ामुशी में ये शब भी
मुराक़िबा तो हुआ अब ज़रा जलाल में आ
तुझे भी आज कोई रूप बख़्शता ही चलूँ
तू संग है तो मिरे दस्त-ए-बा-कमाल में आ
यहाँ ज़वाल का मंज़र भी ला-ज़वाल नहीं
यक़ीं नहीं तो बयाबान-ए-माह-ओ-साल में आ
hamārī tarah hurūf-e-junūñ ke jaal meñ aa
kabhī to jalva-gah-e-nūn-jīm-dāl meñ aa
abhī to gard zamāne kī uḌ rahī hai yahāñ
abhī na misl-e-sabā kūcha-e-ḳhayāl meñ aa
guzar na jaa.e kahīñ ḳhāmushī meñ ye shab bhī
murāqiba to huā ab zarā jalāl meñ aa
tujhe bhī aaj koī ruup baḳhshtā hī chalūñ
tū sañg hai to mire dast-e-bā-kamāl meñ aa
yahāñ zavāl kā manzar bhī lā-zavāl nahīñ
yaqīñ nahīñ to bayābān-e-māh-o-sāl meñ aa
ہماری طرح حروف جنوں کے جال میں آ
کبھی تو جلوہ گہہ نون جیم دال میں آ
ابھی تو گرد زمانے کی اڑ رہی ہے یہاں
ابھی نہ مثل صبا کوچۂ خیال میں آ
گزر نہ جائے کہیں خامشی میں یہ شب بھی
مراقبہ تو ہوا اب ذرا جلال میں آ
تجھے بھی آج کوئی روپ بخشتا ہی چلوں
تو سنگ ہے تو مرے دست با کمال میں آ
یہاں زوال کا منظر بھی لا زوال نہیں
یقیں نہیں تو بیابان ماہ و سال میں آ