हम ने तिरी ख़ातिर से दिल-ए-ज़ार भी छोड़ा
तू भी न हुआ यार और इक यार भी छोड़ा
क्या होगा रफ़ूगर से रफ़ू मेरा गरेबान
ऐ दस्त-ए-जुनूँ तू ने नहीं तार भी छोड़ा
दीं दे के गया कुफ़्र के भी काम से आशिक़
तस्बीह के साथ उस ने तो ज़ुन्नार भी छोड़ा
गोशे में तिरी चश्म-ए-सियह-मस्त के दिल ने
की जब से जगह ख़ाना-ए-ख़ु़म्मार भी छोड़ा
इस से है ग़रीबों को तसल्ली कि अजल ने
मुफ़्लिस को जो मारा तो न ज़रदार भी छोड़ा
टेढ़े न हो हम से रखो इख़्लास तो सीधा
तुम प्यार से रुकते हो तो लो प्यार भी छोड़ा
क्या छोड़ें असीरान-ए-मोहब्बत को वो जिस ने
सदक़े में न इक मुर्ग़-ए-गिरफ़्तार भी छोड़ा
पहुँची मिरी रुस्वाई की क्यूँकर ख़बर उस को
उस शोख़ ने तो देखना अख़बार भी छोड़ा
करता था जो याँ आने का झूटा कभी इक़रार
मुद्दत से 'ज़फ़र' उस ने वो इक़रार भी छोड़ा
ham ne tirī ḳhātir se dil-e-zār bhī chhoḌā
tū bhī na huā yaar aur ik yaar bhī chhoḌā
kyā hogā rafūgar se rafū merā garebān
ai dast-e-junūñ tū ne nahīñ taar bhī chhoḌā
diiñ de ke gayā kufr ke bhī kaam se āshiq
tasbīh ke saath us ne to zunnār bhī chhoḌā
goshe meñ tirī chashm-e-siyah-mast ke dil ne
kī jab se jagah ḳhāna-e-ḳhummār bhī chhoḌā
is se hai ġharīboñ ko tasallī ki ajal ne
muflis ko jo maarā to na zardār bhī chhoḌā
TeḌhe na ho ham se rakho iḳhlās to sīdhā
tum pyaar se rukte ho to lo pyaar bhī chhoḌā
kyā chhoḌeñ asīrān-e-mohabbat ko vo jis ne
sadqe meñ na ik murġh-e-giraftār bhī chhoḌā
pahuñchī mirī rusvā.ī kī kyūñkar ḳhabar us ko
us shoḳh ne to dekhnā aḳhbār bhī chhoḌā
kartā thā jo yaañ aane kā jhūTā kabhī iqrār
muddat se 'zafar' us ne vo iqrār bhī chhoḌā
ہم نے تری خاطر سے دل زار بھی چھوڑا
تو بھی نہ ہوا یار اور اک یار بھی چھوڑا
کیا ہوگا رفوگر سے رفو میرا گریبان
اے دست جنوں تو نے نہیں تار بھی چھوڑا
دیں دے کے گیا کفر کے بھی کام سے عاشق
تسبیح کے ساتھ اس نے تو زنار بھی چھوڑا
گوشہ میں تری چشم سیہ مست کے دل نے
کی جب سے جگہ خانۂ خمار بھی چھوڑا
اس سے ہے غریبوں کو تسلی کہ اجل نے
مفلس کو جو مارا تو نہ زردار بھی چھوڑا
ٹیڑھے نہ ہو ہم سے رکھو اخلاص تو سیدھا
تم پیار سے رکتے ہو تو لو پیار بھی چھوڑا
کیا چھوڑیں اسیران محبت کو وہ جس نے
صدقے میں نہ اک مرغ گرفتار بھی چھوڑا
پہنچی مری رسوائی کی کیونکر خبر اس کو
اس شوخ نے تو دیکھنا اخبار بھی چھوڑا
کرتا تھا جو یاں آنے کا جھوٹا کبھی اقرار
مدت سے ظفرؔ اس نے وہ اقرار بھی چھوڑا