हम ही में थी न कोई बात याद न तुम को आ सके
तुम ने हमें भुला दिया हम न तुम्हें भुला सके
तुम ही न सुन सके अगर क़िस्सा-ए-ग़म सुनेगा कौन
किस की ज़बाँ खुलेगी फिर हम न अगर सुना सके
होश में आ चुके थे हम जोश में आ चुके थे हम
बज़्म का रंग देख कर सर न मगर उठा सके
रौनक़-ए-बज़्म बन गए लब पे हिकायतें रहीं
दिल में शिकायतें रहीं लब न मगर हिला सके
शौक़-ए-विसाल है यहाँ लब पे सवाल है यहाँ
किस की मजाल है यहाँ हम से नज़र मिला सके
ऐसा हो कोई नामा-बर बात पे कान धर सके
सुन के यक़ीन कर सके जा के उन्हें सुना सके
इज्ज़ से और बढ़ गई बरहमी-ए-मिज़ाज-ए-दोस्त
अब वो करे इलाज-ए-दोस्त जिस की समझ में आ सके
अहल-ए-ज़बाँ तो हैं बहुत कोई नहीं है अहल-ए-दिल
कौन तिरी तरह 'हफ़ीज़' दर्द के गीत गा सके
ham hī meñ thī na koī baat yaad na tum ko aa sake
tum ne hameñ bhulā diyā ham na tumheñ bhulā sake
tum hī na sun sake agar qissa-e-ġham sunegā kaun
kis kī zabāñ khulegī phir ham na agar sunā sake
hosh meñ aa chuke the ham josh meñ aa chuke the ham
bazm kā rañg dekh kar sar na magar uThā sake
raunaq-e-bazm ban ga.e lab pe hikāyateñ rahīñ
dil meñ shikāyateñ rahīñ lab na magar hilā sake
shauq-e-visāl hai yahāñ lab pe savāl hai yahāñ
kis kī majāl hai yahāñ ham se nazar milā sake
aisā ho koī nāma-bar baat pe kaan dhar sake
sun ke yaqīn kar sake jā ke unheñ sunā sake
ijz se aur baḌh ga.ī barhamī-e-mizāj-e-dost
ab vo kare ilāj-e-dost jis kī samajh meñ aa sake
ahl-e-zabāñ to haiñ bahut koī nahīñ hai ahl-e-dil
kaun tirī tarah 'hafīz' dard ke giit gā sake
ہم ہی میں تھی نہ کوئی بات یاد نہ تم کو آ سکے
تم نے ہمیں بھلا دیا ہم نہ تمہیں بھلا سکے
تم ہی نہ سن سکے اگر قصۂ غم سنے گا کون
کس کی زباں کھلے گی پھر ہم نہ اگر سنا سکے
ہوش میں آ چکے تھے ہم جوش میں آ چکے تھے ہم
بزم کا رنگ دیکھ کر سر نہ مگر اٹھا سکے
رونق بزم بن گئے لب پہ حکایتیں رہیں
دل میں شکایتیں رہیں لب نہ مگر ہلا سکے
شوق وصال ہے یہاں لب پہ سوال ہے یہاں
کس کی مجال ہے یہاں ہم سے نظر ملا سکے
ایسا ہو کوئی نامہ بر بات پہ کان دھر سکے
سن کے یقین کر سکے جا کے انہیں سنا سکے
عجز سے اور بڑھ گئی برہمی مزاج دوست
اب وہ کرے علاج دوست جس کی سمجھ میں آ سکے
اہل زباں تو ہیں بہت کوئی نہیں ہے اہل دل
کون تری طرح حفیظؔ درد کے گیت گا سکے