हम आप क़यामत से गुज़र क्यूँ नहीं जाते
जीने की शिकायत है तो मर क्यूँ नहीं जाते
कतराते हैं बल खाते हैं घबराते हैं क्यूँ लोग
सर्दी है तो पानी में उतर क्यूँ नहीं जाते
आँखों में नमक है तो नज़र क्यूँ नहीं आता
पलकों पे गुहर हैं तो बिखर क्यूँ नहीं जाते
अख़बार में रोज़ाना वही शोर है या'नी
अपने से ये हालात सँवर क्यूँ नहीं जाते
ये बात अभी मुझ को भी मा'लूम नहीं है
पत्थर इधर आते हैं उधर क्यूँ नहीं जाते
तेरी ही तरह अब ये तिरे हिज्र के दिन भी
जाते नज़र आते हैं मगर क्यूँ नहीं जाते
अब याद कभी आए तो आईने से पूछो
महबूब-ख़िज़ाँ शाम को घर क्यूँ नहीं जाते
ham aap qayāmat se guzar kyuuñ nahīñ jaate
jiine kī shikāyat hai to mar kyuuñ nahīñ jaate
katrāte haiñ bal khāte haiñ ghabrāte haiñ kyuuñ log
sardī hai to paanī meñ utar kyuuñ nahīñ jaate
āñkhoñ meñ namak hai to nazar kyuuñ nahīñ aatā
palkoñ pe guhar haiñ to bikhar kyuuñ nahīñ jaate
aḳhbār meñ rozāna vahī shor hai yā'nī
apne se ye hālāt sañvar kyuuñ nahīñ jaate
ye baat abhī mujh ko bhī mā'lūm nahīñ hai
patthar idhar aate haiñ udhar kyuuñ nahīñ jaate
terī hī tarah ab ye tire hijr ke din bhī
jaate nazar aate haiñ magar kyuuñ nahīñ jaate
ab yaad kabhī aa.e to ā.īne se pūchho
mahbūb-ḳhizāñ shaam ko ghar kyuuñ nahīñ jaate
ہم آپ قیامت سے گزر کیوں نہیں جاتے
جینے کی شکایت ہے تو مر کیوں نہیں جاتے
کتراتے ہیں بل کھاتے ہیں گھبراتے ہیں کیوں لوگ
سردی ہے تو پانی میں اتر کیوں نہیں جاتے
آنکھوں میں نمک ہے تو نظر کیوں نہیں آتا
پلکوں پہ گہر ہیں تو بکھر کیوں نہیں جاتے
اخبار میں روزانہ وہی شور ہے یعنی
اپنے سے یہ حالات سنور کیوں نہیں جاتے
یہ بات ابھی مجھ کو بھی معلوم نہیں ہے
پتھر ادھر آتے ہیں ادھر کیوں نہیں جاتے
تیری ہی طرح اب یہ ترے ہجر کے دن بھی
جاتے نظر آتے ہیں مگر کیوں نہیں جاتے
اب یاد کبھی آئے تو آئینے سے پوچھو
محبوبؔ خزاں شام کو گھر کیوں نہیں جاتے