हैफ़ बाइ'स तिरे इताब का मैं
क्या करूँ अपने इज़्तिराब का मैं
तेरी आँखों के आइने में रहूँ
अक्स बन जाऊँ तेरे ख़्वाब का मैं
रब्त में भी हिसाब उन का मैं
और क़ाइल हूँ बे-हिसाब का मैं
और कब तक रहूँ मैं मिस्ल-ए-सवाल
मुंतज़िर आप के जवाब का मैं
सर्द-मेहरी का है लिहाफ़ उन पर
और पैकर हूँ इज़्तिराब का मैं
जो मोहब्बत के नाम है मंसूब
इक वरक़ हूँ उसी किताब का मैं
मुजतनिब मेरे इल्तिफ़ात से वो
तख़्ता-ए-मश्क़ इज्तिनाब का मैं
क्या करूँ आइना है मेरे पास
वर्ना दुश्मन नहीं जनाब का मैं
क्यों अँधेरे ख़िलाफ़ हैं मेरे
कौन लगता हूँ आफ़्ताब का मैं
मत्न रूदाद-ए-इश्क़ का 'राग़िब'
या ख़ुलासा जुनूँ के बाब का मैं
haif baa.is tire itaab kā maiñ
kyā karūñ apne iztirāb kā maiñ
terī āñkhoñ ke aa.ine meñ rahūñ
aks ban jā.ūñ tere ḳhvāb kā maiñ
rabt meñ bhī hisāb un kā maiñ
aur qaa.il huuñ be-hisāb kā maiñ
aur kab tak rahūñ maiñ misl-e-savāl
muntazir aap ke javāb kā maiñ
sard-mehrī kā hai lihāf un par
aur paikar huuñ iztirāb kā maiñ
jo mohabbat ke naam hai mansūb
ik varaq huuñ usī kitāb kā maiñ
mujtanib mere iltifāt se vo
taḳhta-e-mashq ijtināb kā maiñ
kyā karūñ aa.ina hai mere paas
varna dushman nahīñ janāb kā maiñ
kyoñ añdhere ḳhilāf haiñ mere
kaun lagtā huuñ āftāb kā maiñ
matn rūdād-e-ishq kā 'rāġhib'
yā ḳhulāsa junūñ ke baab kā maiñ
حیف باعث ترے عتاب کا میں
کیا کروں اپنے اضطراب کا میں
تیری آنکھوں کے آئنے میں رہوں
عکس بن جاؤں تیرے خواب کا میں
ربط میں بھی حساب ان کا میں
اور قائل ہوں بے حساب کا میں
اور کب تک رہوں میں مثل سوال
منتظر آپ کے جواب کا میں
سرد مہری کا ہے لحاف ان پر
اور پیکر ہوں اضطراب کا میں
جو محبت کے نام ہے منسوب
اک ورق ہوں اسی کتاب کا میں
مجتنب میرے التفات سے وہ
تختۂ مشق اجتناب کا میں
کیا کروں آئنہ ہے میرے پاس
ورنہ دشمن نہیں جناب کا میں
کیوں اندھیرے خلاف ہیں میرے
کون لگتا ہوں آفتاب کا میں
متن روداد عشق کا راغبؔ
یا خلاصہ جنوں کے باب کا میں