है अज़ल की इस ग़लत बख़्शी पे हैरानी मुझे
इश्क़ ला-फ़ानी मिला है ज़िंदगी फ़ानी मुझे
मैं वो बस्ती हूँ कि याद-ए-रफ़्तगाँ के भेस में
देखने आती है अब मेरी ही वीरानी मुझे
थी यही तम्हीद मेरे मातमी अंजाम की
फूल हँसते हैं तो होती है पशीमानी मुझे
हुस्न बे-पर्दा हुआ जाता है या रब क्या करूँ
अब तो करनी ही पड़ी दिल की निगहबानी मुझे
बाँध कर रोज़-ए-अज़ल शीराज़ा-ए-मर्ग-ओ-हयात
सौंप दी गोया दो आलम की परेशानी मुझे
पूछता फिरता था दानाओं से उल्फ़त के रुमूज़
याद अब रह रह के आती है वो नादानी मुझे
hai azal kī is ġhalat baḳhshī pe hairānī mujhe
ishq lā-fānī milā hai zindagī faanī mujhe
maiñ vo bastī huuñ ki yād-e-raftagāñ ke bhes meñ
dekhne aatī hai ab merī hī vīrānī mujhe
thī yahī tamhīd mere mātamī anjām kī
phuul hañste haiñ to hotī hai pashīmānī mujhe
husn be-parda huā jaatā hai yā rab kyā karūñ
ab to karnī hī paḌī dil kī nigahbānī mujhe
bāñdh kar roz-e-azal shīrāza-e-marg-o-hayāt
sauñp dī goyā do aalam kī pareshānī mujhe
pūchhtā phirtā thā dānāoñ se ulfat ke rumūz
yaad ab rah rah ke aatī hai vo nādānī mujhe
ہے ازل کی اس غلط بخشی پہ حیرانی مجھے
عشق لافانی ملا ہے زندگی فانی مجھے
میں وہ بستی ہوں کہ یاد رفتگاں کے بھیس میں
دیکھنے آتی ہے اب میری ہی ویرانی مجھے
تھی یہی تمہید میرے ماتمی انجام کی
پھول ہنستے ہیں تو ہوتی ہے پشیمانی مجھے
حسن بے پردہ ہوا جاتا ہے یا رب کیا کروں
اب تو کرنی ہی پڑی دل کی نگہبانی مجھے
باندھ کر روز ازل شیرازۂ مرگ و حیات
سونپ دی گویا دو عالم کی پریشانی مجھے
پوچھتا پھرتا تھا داناؤں سے الفت کے رموز
یاد اب رہ رہ کے آتی ہے وہ نادانی مجھے