है आज अंधेरा हर जानिब और नूर की बातें करते हैं
नज़दीक की बातों से ख़ाइफ़ हम दूर की बातें करते हैं
तामीर-ओ-तरक़्क़ी वाले हैं कहिए भी तो उन को क्या कहिए
जो शीश-महल में बैठे हुए मज़दूर की बातें करते हैं
ये लोग वही हैं जो कल तक तंज़ीम-ए-चमन के दुश्मन थे
अब आज हमारे मुँह पर ये दस्तूर की बातें करते हैं
इक भाई को दूजे भाई से लड़ने का जो देते हैं पैग़ाम
वो लोग न जाने फिर कैसे जम्हूर की बातें करते हैं
इक ख़्वाब की वादी है जिस में रहते हैं हमेशा खोए हुए
धरती पे नहीं हैं जिन के क़दम वो तूर की बातें करते हैं
हम को ये गिला महबूब उन्हें अफ़्साना-ए-बज़्म-ए-ऐश-ओ-तरब
शिकवा ये उन्हें हम उन से दिल-ए-रंजूर की बातें करते हैं
क्या ख़ूब अदा है उन की 'उबैद' अंदाज़-ए-करम है कितना हसीं
मजबूर के हक़ से ना-वाक़िफ़ मजबूर की बातें करते हैं
hai aaj añdherā har jānib aur nuur kī bāteñ karte haiñ
nazdīk kī bātoñ se ḳhā.if ham duur kī bāteñ karte haiñ
ta.amīr-o-taraqqī vaale haiñ kahiye bhī to un ko kyā kahiye
jo shīsh-mahal meñ baiThe hue mazdūr kī bāteñ karte haiñ
ye log vahī haiñ jo kal tak tanzīm-e-chaman ke dushman the
ab aaj hamāre muñh par ye dastūr kī bāteñ karte haiñ
ik bhaa.ī ko duuje bhaa.ī se laḌne kā jo dete haiñ paiġhām
vo log na jaane phir kaise jamhūr kī bāteñ karte haiñ
ik ḳhvāb kī vaadī hai jis meñ rahte haiñ hamesha kho.e hue
dhartī pe nahīñ haiñ jin ke qadam vo tuur kī bāteñ karte haiñ
ham ko ye gila mahbūb unheñ afsāna-e-bazm-e-aish-o-tarab
shikva ye unheñ ham un se dil-e-ranjūr kī bāteñ karte haiñ
kyā ḳhuub adā hai un kī 'obaid' andāz-e-karam hai kitnā hasīñ
majbūr ke haq se nā-vāqif majbūr kī bāteñ karte haiñ
ہے آج اندھیرا ہر جانب اور نور کی باتیں کرتے ہیں
نزدیک کی باتوں سے خائف ہم دور کی باتیں کرتے ہیں
تعمیر و ترقی والے ہیں کہیے بھی تو ان کو کیا کہیے
جو شیش محل میں بیٹھے ہوئے مزدور کی باتیں کرتے ہیں
یہ لوگ وہی ہیں جو کل تک تنظیم چمن کے دشمن تھے
اب آج ہمارے منہ پر یہ دستور کی باتیں کرتے ہیں
اک بھائی کو دوجے بھائی سے لڑنے کا جو دیتے ہیں پیغام
وہ لوگ نہ جانے پھر کیسے جمہور کی باتیں کرتے ہیں
اک خواب کی وادی ہے جس میں رہتے ہیں ہمیشہ کھوئے ہوئے
دھرتی پہ نہیں ہیں جن کے قدم وہ طور کی باتیں کرتے ہیں
ہم کو یہ گلہ محبوب انہیں افسانۂ بزم عیش و طرب
شکوہ یہ انہیں ہم ان سے دل رنجور کی باتیں کرتے ہیں
کیا خوب ادا ہے ان کی عبیدؔ انداز کرم ہے کتنا حسیں
مجبور کے حق سے ناواقف مجبور کی باتیں کرتے ہیں