हाए काफ़िर तिरे हमराह अदू आता है
क्या कहूँ पास ये तेरा है कि तू आता है
निकहत-ए-इत्र में बस-बस के जो तू आता है
अपने हमराह लिए रश्क की बू आता है
ना-तवानी से नहीं आह-ओ-फ़ुग़ाँ की ताक़त
नाला थम थम के मिरा ता-ब-गुलू आता है
चौंक पड़ता हूँ शब-ए-वादा तिरे धोके में
हर क़दम पर यही खटका है कि तू आता है
दुख़्तर-ए-रज़ के क़दम तक तो रसाई मालूम
मोहतसिब संग-ए-दर-ए-मय-कदा छू आता है
ज़ख़्म-ए-दिल पर कभी टाँका न लगाया तुम ने
हम तो समझे थे तुम्हें ख़ूब रफ़ू आता है
haa.e kāfir tire hamrāh adū aatā hai
kyā kahūñ paas ye terā hai ki tū aatā hai
nik.hat-e-itr meñ bas-bas ke jo tū aatā hai
apne hamrāh liye rashk kī bū aatā hai
nā-tavānī se nahīñ āh-o-fuġhāñ kī tāqat
naala tham tham ke mirā ta-ba-gulū aatā hai
chauñk paḌtā huuñ shab-e-vāda tire dhoke meñ
har qadam par yahī khaTkā hai ki tū aatā hai
duḳhtar-e-raz ke qadam tak to rasā.ī mālūm
mohtasib sañg-e-dar-e-mai-kada chhū aatā hai
zaḳhm-e-dil par kabhī Tāñkā na lagāyā tum ne
ham to samjhe the tumheñ ḳhuub rafū aatā hai
ہائے کافر ترے ہم راہ عدو آتا ہے
کیا کہوں پاس یہ تیرا ہے کہ تو آتا ہے
نکہت عطر میں بس بس کے جو تو آتا ہے
اپنے ہم راہ لیے رشک کی بو آتا ہے
ناتوانی سے نہیں آہ و فغاں کی طاقت
نالہ تھم تھم کے مرا تابہ گلو آتا ہے
چونک پڑتا ہوں شب وعدہ ترے دھوکے میں
ہر قدم پر یہی کھٹکا ہے کہ تو آتا ہے
دختر رز کے قدم تک تو رسائی معلوم
محتسب سنگ در مے کدہ چھو آتا ہے
زخم دل پر کبھی ٹانکا نہ لگایا تم نے
ہم تو سمجھے تھے تمہیں خوب رفو آتا ہے